YOSUA 1:7 - Sura' Madatu

⁷ Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

YOSUA 1:7 ပူးပေါင်းရင်းမြစ်များ

1 DATU 2:2

La malemo’ unnola lalanna mintu’ issinna lino, iamoto la batta’ko sia la tenko misa’ muane.

1 DATU 2:3

Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.

2 DATU 22:2

Napogau’mi tu apa malolo dio pentiroNa PUANG sia unturu’ bate lalanna Daud, nene’ to dolona sia tae’ nasepang lako kanan ba’tu lako kairi.

1 OSSORANNA DATU 22:13

Manasa la maupa’ko, ke muingaranni sia mukaritutui tonganni tu mintu’ apa mangka Napondok PUANG sia mintu’ atoran, mangka Napasan PUANG lako Musa, anna papassananni to Israel. La batta’ko sia la baraniko; da mumataku’ sia da mutiramban.

2 OSSORANNA DATU 15:7

Iamoto pabatta’mi tu penaammi, da nalangga’ tu limammi, belanna iatu pengkarangammi la den poleanna.

2 OSSORANNA DATU 26:5

Undaka’ Puang Matua tempon tuona Zakharia, tu unnada’i mengkaola lako Puang Matua; temponna undaka PUANG, Napamaupa’ Puang Matua.

AYUB 1:8

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan mengkaolana, bulo lollongna sia mataku’na lako Puang Matua sia umpatoyang kalena dio mai kadake.

PA’PUDIAN 80:19

Iake susito, tae’mo angki la balik dio mai Kalemi, patuokanni angki meongli’ ussa’bu’ sangamMi.

SARAMBU PEADA’ 4:27

Da musepang lako kanan ba’tu lako kairi, patoyangi tu lette’mu dio mai kadakena.

SARAMBU PEADA’ 8:20

Umpolalanna’ lalan malolo, dio tangnga batatta kamalamburan,

DANIEL 10:19

Da mumataku’, e to tarru’ dipakaboro’, torro marampa’ko, mengkabatta’ko, ondongpi mengkabatta’ko. Iatonna marassan ussipa’kadanna’, matoto’mo’, angku ma’kada kukua: O puangku, ma’kadamokomi, belanna mangkamo’ mipamatoto’.

KADIBILANGAN 27:23

Naremme’imi limanna sia napokadan parentana, susitu mangka Napokada PUANG nalopian Musa.

PA’TOLE 11:8

Iamoto la mikaritutui tu mintu’ pepasan, tu kupapassanangkomi totemo, kumua mimatoto’, ammi tama tondok sia la miala ammi poapai, tu minii lamban kumua ammi alai mipoapa,

PA’TOLE 12:32

Iatu mintu’ apa kupasanangkomi, la mikaritutui tongan; da mirangnganni sia da mikurangi.

PA’TOLE 28:14

sia iake tae’ musepang dio mai mintu’ pepasan, tu kubenko allo iate, lako kanan ba’tu lako kairi, ke unturu’ko kapenomban senga’ sia mupenombai,

PA’TOLE 29:8

sia tarampa tu tondokna, anta benni Ruben, Gad sia sangsese suku Manasye, la napotaa.

PA’TOLE 29:9

Karitutui tonganni tu kada basse iate, ammi maupa’ umpalanda’i tu apa mipogau’.

PA’TOLE 31:7

Attu iato natambaimi Musa tu Yosua sia nakua ungkuanni dio tingayona mintu’ to Israel, nakua: Matoto’ko sia barani, belanna ikomo la rampo tama tondok sola te bangsa iate, tu mangka Naallu’ PUANG lako nene’ to dolona tau iato Napalaoi sumpa, kumua la umbenni sia la umpaketaa mana’i tu tau iato.

PA’TOLE 4:2

Da mirangnganni tu apa kupepasanan lako kalemi sia da mipasosso’i, ammi karitutui tu pepasanNa PUANG, Kapenombammi, tu kupapassanangkomi.

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.

YOSUA 1:1

Iatonna matemo tu Musa, taunNa PUANG, ma’kadami PUANG lako Yosua, anakna Nun, to marengke’na Musa, Nakua:

YOSUA 1:8

Da nalessu’ dio mai pudukmu tu sura’ Sukaran aluk iate, sangadinna la muparinaa bang ke allo sia ke bongi, ammu turu’ tongan-tonganni tu mintu’ apa disura’ lan, belanna iake susito, la umpamaupa’ko mintu’ lalanmu, sia la rongko’ko.

YOSUA 1:9

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

YOSUA 11:15

Susitu mangka Napasan PUANG lako Musa, taunNa, susi dukato tu napasan Musa lako Yosua, sia napogau’mo Yosua susito; moi misa’ tae’ napasalai tu mintu’ kadanNa PUANG lako Musa.

YOSUA 23:6

Iamoto la mipabatta’ tongan tu penaammi ungkaritutui sia unturu’i tu mintu’ apa disura’ lan sura’ Sukaran alukna Musa, da misepang lako kanan ba’tu kairi.