YOSUA 1:5 - Sura' Madatu

⁵ Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

YOSUA 1:5 ပူးပေါင်းရင်းမြစ်များ

KADADIAN 39:2

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

1 DATU 1:37

Susi kaNarondonganna PUANG tu puangku datu dolona, la susi dukato tu Salomo la Narondong sia la Napatarompo’ tu isungan kapayunganna ondong na iatu isungan kapayunganna puangku datu Daud.

1 DATU 11:38

Iake muperangii tu mintu’ apa Kupasan lako kalemu sia lolangko unturu’ lalanKu, sia umpogau’i tu apa malolo dio pentiroKu, iamotu ungkaritutui apa Kupondok sia apa Kupasan, susi tu napogau’ Daud, taungKu, manassa la Kurondongko sia la Kubangunangko misa’ tongkonan matontongan, susitu mangka Kubangunan Daud, sia la Kukamaseangko tu to Israel.

1 DATU 6:13

kumua la torroNa’ dio lu to’ to Israel sia tae’ Kula untampei tu to Israel, taungKu.

1 DATU 8:57

Lalasia manii anNa rondongki’ PUANG, Kapenombanta, susitu Ia mangka urrondong nene’ to dolota; sangapaoi upa’ da Natampeki’ sia da Natumpuki’.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

PA’PUDIAN 46:11

Rapa’komi sia issanni kumua Akumo tu Puang Matua; Akumo tu mala’bi’ dio lu mintu’ bangsa, sia mala’bi’ lan lino.

KATASSURAN 3:12

Ma’kadami tu Puang Matua nakua: Inang la Kurondongko sia iamote tu la dadi misa’ tanda lako kalemu, kumua Aku ussuako: iammu solanni tassu’ tu bangsa iato lan mai Mesir, la menombakomi langngan Puang Matua dao tanete iate.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YEREMIA 1:8

Da mumataku’ dio tingayona tau iato mai, belanna Aku urrondongko la urrampanangko, kadanNa PUANG.

DANIEL 11:16

Iatu to ullaoi la umpogau’ lalan inaanna sia moi misa’ tau tae’ natananni bendan mangea; sia la matoto’ bendan lan Tondok ballo; na iatu a’gan ma’kasanggang lan limanna.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

ROMA 8:31

Totemo apara la takua diona tu mintu’nato? Iake sisolaki’ Puang Matua mindapa la umbaliki?

ROMA 8:37

Apa lan mintu’nato sapatalo-talota tu belanna iatu To umpakaboro’ki’.

PA’TOLE 20:1

Iake la ke’de’ko lao parari ullaoi ualimmu, ammu tiroi tu mai darang sia kareta, iamotu misa’ bangsa mandu buda anna iko, manassa da mukataku’i, belanna iatu PUANG, Kapenombammu, urrondongko, tu ussolangko sun lan mai tondok Mesir.

PA’TOLE 20:4

belanna iatu PUANG, Kapenombammi den ussisolangkomi la umparariangkomi ullaoi ualimmi, kumua Nabenkomi kapataloan.

PA’TOLE 31:23

Sia Napasan Puang tu Yosua, anakna Nun, nakua: La matoto’ko sia barani, belanna ikomo la ussolanni tu to Israel tama tondok, tu mangka Kualluranni Kupalaoi sumpa, sia Aku la urrondongko.

PA’TOLE 4:31

Belanna iatu PUANG, Kapenombammu, iamo Kapenomban, masokan, tae’ Natampeko sia tae’ Nasanggangko sia tae’ Nakalupai tu basseNa sola nene’ to dolomu, tu Natananan sola Napalaoi sumpa.

PA’TOLE 7:24

Iatu mai datunna la Nasorong tama kuasammu, muurungan umpa’dei tu sanganna lan mai nasambo langi’. Moi misa’ tau tang naatta unneako sae lako musanggangi nasang.

2 TIMOTIUS 4:17

Apa Puang urrondongna’ sia umpabatta’na’, kumua anna sundun kalelean tu kadipalolanganna Kareba-kaparannuan belanna aku sia anna rangii mintu’ bangsa; sia lessu’mo’ dio mai sadang singa.

IBRANI 13:5

Toyangangkomi kalemi dio mai umpa’budai doi’, sia posilasanni tu apa denmo dio kalemi; belanna Puang Kalenamo tu mangka ma’kada, kumua: Inang tae’ angKu la ussa’biangangko, sia inang tae’ angKu la untampeko.

YOSUA 1:17

Susitu Musa kituru’, susi dukamoto tu kamu la kituru’; Narondongmorokomi PUANG, Kapenombammi, susi kaNarondonganna tu Musa.

YOSUA 1:9

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

YOSUA 10:8

Ma’kadami PUANG lako Yosua, Nakua: Da mukataku’i tu tau iato mai, belanna la Kusorong tama kuasammu, moi misa’ tu tau iato tang nasara bendan dio tingayomu.

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.

YOSUA 3:7

Ma’kadami tu PUANG lako Yosua, Nakua: Allo iate Kuranduk umpatarompo’ko dio pentirona mintu’ to Israel, anna issanni, kumua: Susitu Musa mangka Kurondong, susi dukato Aku la urrondongko.

YOSUA 6:27

Narondongmi PUANG tu Yosua sia kalelean tu sanganna lan lu mintu’ tondok.

TO PARENGNGE’ 2:18

Iake Napake’deranoi PUANG misa’ to parengnge’, Narondong PUANG tu to parengnge’ iato, anNa lendokanni tu tau iato dio mai kuasanna ualinna, tempon tuona tu to parengnge’, belanna maturu-turu tu PUANG umperangii sarrona tau iato mai tu diona to umpakario-rioi sia umpapussakki.

TO PARENGNGE’ 6:16

Ma’kadami PUANG lako Nakua: Manassa Aku urrondongko, iamoto la mutalo tu mintu’ to Midian susito misa’ri.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.