YOSUA 1:2 - Sura' Madatu

² Iatu Musa taungKu, matemo; totemo la ke’de’ko ammu lambanni te Yordan, la iko la mintu’ bangsa iate lako tu tondok la Kukamaseanni, iamotu to Israel.

YOSUA 1:2 ပူးပေါင်းရင်းမြစ်များ

KADADIAN 17:8

La kukamaseangko sia la Kukamasean bati’mu te padang munii mempue totemo, te mintu’ lili’na padang Kanaan la napopadang tontong sae lakona; na Aku la napoKapenomban.

NEHEMIA 9:23

Sia Mipopemba’ka’ kalle-kalleammo tu bati’na tau iato mai susi bintoen dao langi’ sia Misolammo tama tondok tu mangka Mipa’parentan lako nene’ to dolona la unnalai napomana’.

AYUB 1:8

Ma’kadami tu PUANG lako deata bulituk, Nakua: Mupemarangamoraka tu taungKu Ayub? Belanna misa’ tau dao kuli’na padang tae’ susinna, lendu’ tongan mengkaolana, bulo lollongna sia mataku’na lako Puang Matua sia umpatoyang kalena dio mai kadake.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

KADIBILANGAN 12:7

Apa tae’ Kupasusi to tu taungKu Musa tu manappa’ lan mintu’ banuangKu.

PA’TOLE 3:28

Apa iatu parentamu pokadanni Yosua, pamatoto’i sia pabatta’i, belanna iamo la undoloanni te bangsa lamban lian sia la napaketaa mana’ lako bangsa iato te tondok, tu la mutiro.

PA’TOLE 31:7

Attu iato natambaimi Musa tu Yosua sia nakua ungkuanni dio tingayona mintu’ to Israel, nakua: Matoto’ko sia barani, belanna ikomo la rampo tama tondok sola te bangsa iate, tu mangka Naallu’ PUANG lako nene’ to dolona tau iato Napalaoi sumpa, kumua la umbenni sia la umpaketaa mana’i tu tau iato.

PA’TOLE 34:5

Pakalan matemi tu Musa, taunNa PUANG, dio, lan tondok Moab, susitu kadanNa PUANG.

YOSUA 1:1

Iatonna matemo tu Musa, taunNa PUANG, ma’kadami PUANG lako Yosua, anakna Nun, to marengke’na Musa, Nakua:

YOSUA 1:11

Malekomi lu lako lu dio mai lan lu to’ tenda, suai tu to buda, kumua: Parandankomi kinallo, belanna tae’mora natallung allo, ammi lambanni te Yordan, la umpomana’i tu tondok la Nakamaseangkomi PUANG, Kapenombammi, la misiosso’i.