YOSUA 1:11 - Sura' Madatu

¹¹ Malekomi lu lako lu dio mai lan lu to’ tenda, suai tu to buda, kumua: Parandankomi kinallo, belanna tae’mora natallung allo, ammi lambanni te Yordan, la umpomana’i tu tondok la Nakamaseangkomi PUANG, Kapenombammi, la misiosso’i.

YOSUA 1:11 ပူးပေါင်းရင်းမြစ်များ

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

KATASSURAN 19:11

Sia la ma’parandan tu tau iato duang bongi, belanna duang bongi na la songlo’ tu PUANG sae dao buntu Sinai dio tingayona mintu’ tau iato mai.

HOSEA 6:2

Naupu’ duang allo to, Napatuoki’ sule, ke allo ma’pentallunna Napamalimbangunki’, anta tuo dio oloNa.

PA’TOLE 11:31

Belanna la sakka’komi la ullamban Yordan la malekomi lako tondok tu la miala mipoapa, tu la Nabenkomi PUANG, Kapenombammi, ammi alai mipoapa sia minii ma’tondok.

PA’TOLE 3:18

Attu iato mepasanmo’ lako kalemi kumua: Iatu PUANG, Kapenombammi, umbenkomi te tondok, la miala mipoapa; moi susito la undoloan dukakomi siulu’mi to Israel, ma’pa’buno lamban lian, iamotu mintu’ muane sakka’ parari.

PA’TOLE 9:1

Perangii, e to Israel! Totemo la mulamban tu Yordan ammu alai mupoapa tu lili’na tu mai bangsa, tu tarompo’ sia makuasa na iko sia iatu mai kota kapua, tu ditambakuku malangka’ langngan langi’ –,

YOSUA 1:10

Mangkato nasuami Yosua tu mintu’ pangulu, nakua:

YOSUA 1:2

Iatu Musa taungKu, matemo; totemo la ke’de’ko ammu lambanni te Yordan, la iko la mintu’ bangsa iate lako tu tondok la Kukamaseanni, iamotu to Israel.

YOSUA 3:2

Iatonna upu’mo tallung allo, malemi tu mai pangulu lu lako lu dio mai lan lu to’ tenda,