YOHANES 8:2 - Sura' Madatu

² Tae’pa bongi Nasae pole’omo tama to’ Banua Kabusungan, nasangsaean tu to buda lako Kalena anNa unno’ko’ unnada’i, tu tau.

YOHANES 8:2 ပူးပေါင်းရင်းမြစ်များ

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YEREMIA 25:3

Randuk tonna ma’pessangpulo tallunna ma’parenta tu Yosia, anakna Amon, datu Yehuda, sae lako allo iate, denmo duangpulo ntallu taunna, narampoimo’ tu kadanNa PUANG sia kupokadammokomi ke makale’ sia ke karoen, apa tae’ duka miperangii.

YEREMIA 32:33

Iatu tau iato mai untananniNa’ boko’, tangia lindona; moi Kuada’i ke makale’ sia kekaroen, tae’ naperangii sia tae’ duka namorai untarima peada’.

YEREMIA 44:4

Moi Kusuamo lako tau iato mai tu mintu’ taungKu, iamotu mai nabi, ke makale’ sia ke karoen umpokadanni kumua: Da mipogau’i te apa megallian iate, tu Kukagi’gi’!

MATIUS 26:55

Tonna iato nakuami Yesu ungkuanni tu to buda: Takuakomi to la urrukka’ pa’gora’ ammi sun ma’la’bo’ sia ma’tarasulu’ la untingkanNa’? Keallo-keallo mangada’iNa’ lan Banua Kabusungan, anna tae’ra mitingkanNa’.

LUKAS 21:37

Iake allona mangada’imi tu Yesu lan Banua Kabusungan, apa iake bonginna sun Nama’bongi dao tanete, disanga buntu Zaitun.

LUKAS 21:38

Iatu mintu’na to buda, sitae’pa bongi nasaemo umpellambi’I tama Banua Kabusungan la umperangii pangadaranNa.

LUKAS 4:20

Iatonna lulunmi tu sura’, Napasulemi lako to ungkampai banua pa’kombongan, Namane unno’ko’; mintu’na mata lan banua pa’kombongan iato mentiro nasang lako Yesu.

LUKAS 5:3

Malemi tu Yesu tama tinde lembang misa’, tu lembangna Simon, Napopeturrunni sidi’ dio mai to’ karangkeanna, Namane unno’ko’ tu Yesu Naada’i tu to buda dao mai lembang.

YOHANES 4:34

Nakuami Yesu ungkuanni: Iatu kandeKu, iamotu umpogau’ pa’poraianNa To ussuaNa’, sia ussundunni pengkaranganNa.

YOHANES 8:20

Mintu’nate kada iate Napokada sikandappi’ inan patti doi’ pa’kamasean tonna marassan mangada’i lan Banua Kabusungan; na moi misa’ tau tae’ untingkanNi, belanna tae’pa nalambi’I attunna.

YOHANES 8:3

Nabaami pandita Sura’ sia to Farisi tu baine misa’ tu nalambiran ma’gau’ sala, napabendanni lan tangnga-tangnga,

PENGGAURANNA RASULU’ 5:21

Iatonna rangii susito, tae’pa bongi malemi tama Banua Kabusungan namangada’i lan. Saemi Tominaa Kapua sola mintu’ solana, urrampunni tu to diala Ada’ lompo sia mintu’ pekaamberan to Israel, nasuai tu tau lako pa’tarungkuan la unnalai tu mai rasulu’.