YOHANES 7:7 - Sura' Madatu

⁷ Tae’ nabelai tu issinna te lino la ungkabiri’komi, apa nakabiri’Na’ Aku, belanna Kukatottongi tu a’ganna, kumua kadake tu penggauranna.

YOHANES 7:7 ပူးပေါင်းရင်းမြစ်များ

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

PA’PUDIAN 109:5

Napapassannina’ kakadakean napapakkanan, kameloangku, sia kamabirisan napapakkanan mamaseku.

SARAMBU PEADA’ 15:12

Iatu to patelle-telle tae’ namorai, ke nata’tanni tau; tae’ nalao sola to kinaa.

SARAMBU PEADA’ 8:36

Apa minda-minda tu tang unnappa’na’, iamo umpamasang kalena; mintu’ tu to ungkabiri’na’ ungkamali’ kamatean.

YESAYA 29:21

Iamotu to umpasala tau diona sangbuku kada, sia iatu to untananni poya to untuntun salunna dio to’ babangan sia to lando pa’du untampun pusa’ kadanna to malambu’.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YEREMIA 20:8

Belanna iake ma’kadaona’ manassa la melallakna’, sia umpeolianona’ kamasa’garan sia pa’pakario-rio, belanna kadanNa PUANG kupobannangi ditatta sia ditelle-telle tu’turan allo.

SURA’ KATOMINAAN 13:10

Iake natiromi to minaa sia payan kumua den duku’ mabusa kambang dio kuli’na, tu umpamabusa bulunna, ba’tu naniimo tuo duku’ kadake dio to’ kambang iato,

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

LUKAS 6:26

Upu’ allomi, ke mintu’i tau umpokada meloi tu gau’mi, apa susimoto tu napogau’ nene’ to dolona lako mintu’ nabi buttok.

YOHANES 17:14

Kuparampomo tu kadamMi lako; anna kabiri’i issinna lino, belanna tae’ naalai bilangan lan te lino, susi Aku tae’ naalaNa’ bilangan lan te lino.

YOHANES 3:19

Inde sia nadipaolai pangra’ta’, to kumua saemo tama lino tu maserona, apa napa’budai ia tolino tu malillinna na iatu maserona belanna kadake tu penggauranna.

ROMA 8:7

Apa iatu umparinaa pa’kalean iamo kasiualian Puang Matua, belanna tang umpengkaolai Sukaran alukNa Puang Matua, sia tang nabela duka.

GALATIA 4:16

Mipoualimora’ka totemo, tu belanna umpokadana’ tonganna lako kalemi?

YAKOBUS 4:4

E kamu tu dipasitinti to ma’gau’ sala, tae’raka mitandai kumua kasiporaian lino iate, iamo kasiualian Puang Matua? Iamoto minda-minda morai la siporai lino iate, iamo mendadi ualinNa Puang Matua.

1 YOHANES 4:5

Tau iato lu dio mai lino, iamoto nama’kada tolino, sia naperangii lino.