YOHANES 7:41 - Sura' Madatu

⁴¹ Sia nakua tu to senga’: Iamo te tu Mesias. Den pole’o tu senga’na kumua: Ma’apai nala bu’tu dio mai Galilea tu Mesias?

YOHANES 7:41 ပူးပေါင်းရင်းမြစ်များ

YOHANES 1:41

Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

YOHANES 1:46

Nakuami Natanael lako: Ma’dinraka tu Nazaret nanii bu’tu melona? Nakuami Filipus: Maimoko mutiroi!

YOHANES 1:49

Nakuami Natanael mebali lako: O Rabi, Kamumo tu AnakNa Puang Matua! Kamumo tu Datunna to Israel!

YOHANES 4:25

Nakuami tinde baine lako: Kuissan sia kumua la sae tu Mesias, tu disanga Kristus; ianNa sae, la Napa’peissanan lako kaleki tu mintu’nato.

YOHANES 4:29

Maimokomi, den ia tau inde dio misa’ umpokadanna’ tu mintu’ penggaurangku. Ba’tu tang Iamo Kristus?

YOHANES 4:42

Nakuami tu tau lako tinde baine: Totemo ma’patonganmokan tangia kumua diona manna kadammu, sangadinna kirangi kalenamo sia kiissan kumua iate Tau iate tonganna to Pakarimmananna te lino.

YOHANES 6:69

Kami te kipatonganmo sia kikanassamo kumua Kamumo tu To Sallo’ lu dio mai Puang Matua.

YOHANES 7:27

Inang kitandaimo kumua umba Nanii sae te Tau iate; apa ianNa sae tu Kristus, tae’ ia tau misa’ unnisanni kumua umba Nanii sae.

YOHANES 7:31

Apa buda tau lan tinde to buda umpatonganNi sia nakua: Iake saeI tu Kristus, la buda pole’oraka tanda kalle-kallean Napaden na iatu Napadenna te Tau iate?

YOHANES 7:52

Mebalimi tu tau sia nakua ungkuanni: To Galilea dukarokoka pale’? Pemarangai sia tiroi, kumua tae’ ia misa’ nabi bu’tu dio mai Galilea.