YOHANES 7:16 - Sura' Madatu

¹⁶ Mebalimi Yesu lako tu tau sia Nakua: Iatu pangadarangKu tae’ natuo dio Kaleku, sangadinna lu dio mai tu To ussuaNa’.

YOHANES 7:16 ပူးပေါင်းရင်းမြစ်များ

YOHANES 14:10

Tae’raka mupatonganni, kumua Aku te lan Ambe’ sia iatu Ambe’ lan Kaleku? Mintu’nate kada Kupokadangkomi, tae’ Kuma’inaanna kalena umpokadai, sangadinna iatu Ambe’ tu lan Kaleku, Iamo umpogau’i tu penggauranNa.

YOHANES 14:24

Minda-minda tu tang ungkamali’Na’, tae’ duka nakaritutui kadangKu; sia iatu kada mirangi, tangia kadangKu, sangadinna kadanNa tu Ambe’ ussuaNa’.

YOHANES 17:14

Kuparampomo tu kadamMi lako; anna kabiri’i issinna lino, belanna tae’ naalai bilangan lan te lino, susi Aku tae’ naalaNa’ bilangan lan te lino.

YOHANES 17:8

Belanna mintu’na tu kada Mipokada lako Kaleku, iamo Kuparampo lako tu tau sia natarimamo, sia naaku tonganmo kumua lu dioNa’ mai Kalemi, sia napatongan kumua Kamumo tu ussuaNa’.

YOHANES 3:11

Tonganna tongan Kukua mati’: Kipokada tu kiissanna, sia kikatottongi tu kitirona, apa tae’ mitarimai tu kikatottonginna.

YOHANES 3:31

Iatu ma’paludaona mai, madaoan na iatu mintu’na; na iate lu lanna mai te lino, naamben bangsiami lino sia lanna manna lino napokada, apa iatu lu daona mai suruga, ondong Ia na iatu mintu’na.

YOHANES 5:30

Moi misa’ tae’ Kuma’din ma’inaanna Kalena umpogau’i; sangadinna Kupalalo tu pangra’ta’ susitu Kuranginna, na iatu pangra’ta’Ku malambu’ tongan; belanna tangia pa’poraiangKu Kutuntun, sangadinna pa’poraianNa tu To ussuaNa’.

YOHANES 6:44

Moi misa’ tau tae’ nama’din sae lako Kaleku, ke tae’i Napatilaoi Ambe’ ussuaNa’, tu penaanna; na Aku la umpamalimbangunni ke allo katappurannai lino.

YOHANES 8:28

Iamoto anNa kua Yesu lako tinde tau: Iammi mangkamo umpamadao Anak rampan dilino, maneri la miissan kumua Akumote, sia moi misa’ tae’ Kuma’inaanna kalena umpogau’i, sangadinna tumba tu NaadaranNa’ Ambe’Ku, susi dukamoto Kupokada.

2 YOHANES 1:9

Minda-minda palenduran natae’ anna bantang lan pangadaranNa Kristus, tae’ naampui Kapenomban. Apa iatu to bantang lan pangadaran iato, tau iamora to unnampui la Ambe’ iato, la Anak iato.

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.