YOHANES 7:10 - Sura' Madatu

¹⁰ Apa iatonna malemo tu mai siulu’Na umpellindoi tu pa’maruasan allo kapua, male dukami, apa tae’ Napa’pepayanan Kalena, sangadinna male kamama’ bang.

YOHANES 7:10 ပူးပေါင်းရင်းမြစ်များ

PA’PUDIAN 26:8

O PUANG, kukamali’ tu inan banuamMi, sia inan nanii kamala’biramMi.

PA’PUDIAN 40:8

Kukuami: Tiromi, rampoMo’; nalan tu sura’ tilulun diniimo mangka ussura’i tu a’gangKu.

AMOS 5:13

Iamoto nakappa tu to unnampui tangnga’ kinaa lan attu iato, belanna attu iate kadake.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

MATIUS 12:46

Marassan bangsia tu Yesu sipa’ulelean tu to buda, Nakitai tu indo’Na sia siulu’Na ke’de’ dio salian la morai ussipa’kadanNi.

MATIUS 3:15

Apa mebali Yesu sia Nakua ungkuanni: Da’ito belanna susimoto sipatuki’ ussundunni tu natuntunna sukaran aluk. Naturu’Mi.

MARKUS 3:21

Iatonna rangimi sangdadianNa tu iannato, sunmi la unnalai, belanna nakua: katama-taman.

YOHANES 11:54

Iamoto anna tae’ Napa’pepayanan Kalena tu Yesu loo sola to Yahudi, sangadinna umpasere Kalena inde to dio mai lako padang sikandappi’ padang pangallaran, lako misa’ tondok disanga Efraim, indemo to Nanii torro sola anak gurunNa.

YOHANES 7:3

Nakuami tu mai siulu’Na lako: Ke’de’moKo inde te, amMu male lako tana Yudea, anna tiro dukai to unturu’Ko tu penggauran Mupogau’.

YOHANES 7:5

Belanna iatu mai siulu’Na tae’ duka napatonganNi.

YOHANES 7:9

Torromi dio Galilea tonna mangka ma’kada lako susito.

GALATIA 4:4

Apa iatonna lambi’mi kagannaranna attu, Nasuami Puang Matua tu AnakNa tu dadi dio mai misa’ baine, tu dikianakan naonganni Sukaran aluk.