YOHANES 5:6 - Sura' Madatu

⁶ Iatonna tiroi Yesu mamma’, sia Naissan, kumua padamo masainna masaki to, Nakuami ungkuanni: Morairokoka maleke?

YOHANES 5:6 ပူးပေါင်းရင်းမြစ်များ

PA’PUDIAN 142:3

Umbuangna’ sarroku dio oloNa, sia ussorongna’ kamaparrisangku dio tingayoNa.

YESAYA 65:1

TumayaMo’ la umpebalii to tang umpekutananNa’, ma’dinNa’ la nakabu’tui to tang undaka’Na’; Kukua lako bangsa tang ussa’bu’ sangangKu: Inde siaNa’, inde siaNa’.

YEREMIA 13:27

iamotu mintu’ gau’ salamu sia kamoraian malassummu sia passulo bongi mesirisammu. Dao mintu’ tanete lan lu padang Kutiromo tu mintu’ penggauran megalliammu; upu’ allomu, e Yerusalem, sangapapira mumane la masero?

LUKAS 18:41

Iatonna saemo urreke’i, Nakutanaimi lako Nakua: Apara mukamorai la Kupogau’ lako kalemu? Nakuami: O Puang, elo’namo ke pakita dukana’!

YOHANES 21:17

Natole pole’omi ma’kada lako Nakua: E Simon, anakna Yohanes, mukamali’Ra’ka? Masussami tu Petrus tu belanna ma’pentallun maro’mo ma’kada lako kumua: Mukamali’Ra’ka? Nakuami lako: O Puang, mintu’na angge maritik Miissan nasang, Miissan duka kumua aku te kukamali’Komi. Nakuami Yesu lako: Kaduttu’i tu mintu’ dombaKu.

YOHANES 5:5

Denmi dio misa’ tu to masaki tallungpulomo ngkarua taunna.

YOHANES 5:7

Nakuami tinde to masaki mebali lako: O Puang, tae’ dikka’ tau umbaana’ rokko te limbong, ke tise’go’i uainna, apa iangku male, nadoloimo’ to senga’ mengkalao rokko.

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.

IBRANI 4:15

Belanna tae’ taampui tu Tominaa Kapua tang ungkaturu-turui kamalammaranta, sangadinna Iamotu mangka narampoi peroso lan mintu’na susi kita, apa tae’ Ia Nakasalan.