YOHANES 5:41 - Sura' Madatu

⁴¹ Iatu kadibilangan dio mai tolino tae’ Kutuntunni;

YOHANES 5:41 ပူးပေါင်းရင်းမြစ်များ

YOHANES 12:43

Belanna nabudanan iatu napakala’bi’ tolino na iatu Napamala’bi’ Puang Matua.

YOHANES 5:34

Apa Aku te tae’ Kutuntunni tu nakatottonginna tolino, iari Kupokadai te, kumua ammi makarimman.

YOHANES 5:40

Apa tae’ mimorai sae lako Kaleku, kumua ammi kabu’tui katuoan.

YOHANES 5:42

apa Kuissankomi, kumua tae’ miampui kamamaliran lako Puang Matua lan penaammi.

YOHANES 5:44

Umba la mikua ma’patongan, ke sipa’tuntunangkomi kadibilangan, natae’ mituntun kadibilangan dio mai Puang Matua?

YOHANES 6:15

Iatonna issanni Yesu kumua la morai tu tau sae umparukuI la nabaa naangka’ datu, malemi sule langngan tanete misa-misaI.

YOHANES 7:18

Minda-minda tu umpasun kada tuo dio kalena, iamo untuntun kadibilangan, apa minda-minda tu untuntunanNi kadibilangan tu To ussuai, iamo ia tonganna to sia tae’ naden kakelokan Dio.

YOHANES 8:50

Aku te tae’ Kutuntunan kamala’biran Kaleku, apa den Ia Misa’ tu untuntunni sia mangra’ta’.

YOHANES 8:54

Nakuami Yesu mebali: Iake la umpakala’bi’Na’ Kaleku, tae’ bua’na tu kamala’birangKu. Apa Ambe’Ku tu umpakala’bi’Na’, tu misanga iamo Puangmi.

1 TESALONIKA 2:6

Tae’ duka kidaka’ kadipangkeran dio mai tolino, la dio mai kamu, la dio mai to senga’;

1 PETRUS 2:21

Belanna iamora patunna to ammi ditambaimo, apa umperasai dukamo kamaparrisan tu Kristus belanna kamu, Natampeangkomi misa’ sangka’, kumua ammi rundu’i bate lalanNa.

2 PETRUS 1:17

Belanna mangkamo unnappa’ kadipangkeran sia kamala’biran dio mai Puang Matua Ambe’, tonna diparampoI gamara dao mai kamala’biran matande, susite: Iamote tu Anak pa’kaboro’Ku, Ia dukamo Nanii kasendeangKu.