YOHANES 5:3 - Sura' Madatu

³ Lan lantang iato lendu’ budanna to masaki mamma’, to buta sia to sondo’ sia to kupi’, umpeagi nasang uai limbong tise’go’.

YOHANES 5:3 ပူးပေါင်းရင်းမြစ်များ

1 DATU 13:4

Iatonna rangii datu tu kadanna taunNa Puang Matua umpa’kadai inan pemalaran dio Betel, nae’te’mi Yerobeam tu limanna dao mai inan pemalaran iato, anna ma’kada nakua: Tingkanni! Apa iatu limanna tu nae’te’ lako matoromo, naurungan tang tikambemo sule.

SARAMBU PEADA’ 8:34

Maupa’ ia tu mintu’ to umperangiina’, sia kiallo-kiallo ma’kampa dio to’ ba’baku sia ma’kampa dio to’ ampang babangangku.

BATING 3:26

Melo ke rapa’ penaai tu tau umpeagi kamakarimmananNa PUANG;

ZAKHARIA 11:17

Upu’ allona tu to mangkambi’ tae’ gai’na, tu umpopa’elo’na mintu’ dombana. Narampoimira pa’dang tu takia’na sia iatu mata kananna! La kope tu takia’na, anna maraun tu mata kananna.

MATIUS 15:30

Budami tu tau sae lako Kalena umbaa to kupi’ sia to kope limanna sia to buta sia to mamang, sia buda to senga’ natarru’ umpatorroi diong to’ lentekNa Yesu. Napamalekemi tu tau, naurunganni mangnga bangmi

MATIUS 4:24

Tiseno-senomi karebanNa dio mintu’ lili’na tana Siria; nabaami tau lako Kalena tu mintu’ to mandalan sakinna, tu narua ma’rupa-rupa saki sia pa’di’, tu mai to natamai deata bulituk sia to ta’taran sia to kupi’; anNa pamalekei.

LUKAS 7:22

Mebalimi Yesu lako, Nakua: Malemokomi, parampoanni Yohanes tu mintu’na mangka mitiro sia mirangi: To buta pakita, to kupi’ lumingka malolo, to golenan dipamondo sia to taru parangi, to mate dipatuo sule, Kareba melo dipa’peissanan lako to kalala’.

YOHANES 5:2

Dio Yerusalem sikandappi’ babangan Domba den misa’ limbong, iake basa Ibrani disanga Betesda; inde to dio den lima lantang.

YOHANES 5:4

Belanna den sipissan-pissan namengkalao malaeka’ rokko limbong iato nase’go’i tu uainna; minda-minda tu bunga’na mengkalao rokko tu limbong, ke mangkai tise’go’ tu uai, maleke moi nasaki apa unnalai.

ROMA 8:25

Apa iake urrannuangki’ apa tang mempayan lako kaleta, batta’ penaanta umpeagii.

YAKOBUS 5:7

Iamoto, e sangiulurangku, ma’tan penaakomi sae lako allo kasaeanNa Puang. Tiromi, tu to ma’pa’lak untayan bua malapu’ diong mai padang; napama’tanan penaa sae lako nata’painna uran masonak sia uran ma’pangalla’.