YOHANES 4:7 - Sura' Madatu

⁷ Saemi misa baine to Samaria la untimba uai; Nakuami Yesu lako: Benna’ uai Kuiru’i.

YOHANES 4:7 ပူးပေါင်းရင်းမြစ်များ

KADADIAN 24:17

Ma’dondomi lako tu ruranan iato nama’kada nakua: Benna’ dikka’ kuiru’i sidi’ tu uai lan mai bussomu.

KADADIAN 24:43

Tiromi, bendanna’ indete to’ bubun, melo ke susii te: umbanna tu anak dara sun la meuai, angku ma’kada lako: Benna’ kuiru’i sidi’ tu uai lan mai bussomu,

1 DATU 17:10

Ke’de’mi tu Elia anna male lako Sarfat. Iatonna lambi’mi tu babangan kota, denmi dio tu misa’ baine balu marassan urruruk kayu; metambami tu Elia lako nakua: Alanna’ uai sidi’ lan mai busso, angku iru’i.

MATIUS 10:42

Sia minda-minda tu umpairu’i moi anna sangirusanri uai sakke’ te to bongko iate, tu belanna anak guru sanganna, tonganna tongan Kukua mati’, tae’ nala pa’de len tu poleanna.

YOHANES 19:28

Undinnato, belanna Naissan Yesu kumua sundun nasangmo, kumua anna sundun tu kada lan Sura’ Madatu, Nakuami: Ma’rangNa’.

YOHANES 4:10

Mebalimi Yesu Nakua ungkuanni: Iakemmu tandai tu pa’kamaseNa Puang Matua sia minda tu umpa’kadaiko, kumua: benNa’ uai Kuiru’i, tae’ mutang malakumo lako, sia mangkamoko Naben tu uai marendeng.

YOHANES 4:6

Indemoto tu bubunna Yakub. Belanna mata’ka’ lumingka tu Yesu, unno’ko’ bangmi dio to’ bubun iato, agi-agi te’te’ sangpulo dua tangnga allo.

YOHANES 4:8

Belanna iatu anak gurunNa malemo tama tondok unnalli kande.