YOHANES 4:41 - Sura' Madatu

⁴¹ Sabuda-budannami tau ma’patongan belanna narangi kalenamo tu kadanNa Yesu.

YOHANES 4:41 ပူးပေါင်းရင်းမြစ်များ

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

LUKAS 4:32

Napotiramban nasangmi penaanna tau tu pangadaranNa, belanna matoto’ tongan tu kadanNa.

YOHANES 4:40

Iatonna sae lako Yesu tu to Samaria, napalakumi, kumua anNa torro sola; torromi dio duang allo.

YOHANES 4:42

Nakuami tu tau lako tinde baine: Totemo ma’patonganmokan tangia kumua diona manna kadammu, sangadinna kirangi kalenamo sia kiissan kumua iate Tau iate tonganna to Pakarimmananna te lino.

YOHANES 6:63

Penaari ia tu ma’patuo, iatu kale tae’ ia bua’na. Iatu kada mangka Kupokadangkomi, iamoto tu penaa sia katuoan.

YOHANES 7:46

Nakuami mebali tu to disua: Tae’pa ia naden len tau ma’kada susitu tau ia tu.

PENGGAURANNA RASULU’ 1:8

Apa la untarimakomi kamatotoran to ke saeI unta’paikomi tu Penaa Masallo’, na kamu ungkatottongiNa’, la dio Yerusalem, la dio mintu’ tana Yudea ba’tu dio Samaria sae lako randanna langi’.

PENGGAURANNA RASULU’ 15:3

Iamoto anna solanni kombongan tinde rasulu’ sola duai lako salian tondok, anna male ullendu’i Fenisia na Samaria sia naulelean tu diona to kapere’ mengkatoba’, anna umpabu’tu kaparannuan kapua lako mintu’ to sangsiuluran.

PENGGAURANNA RASULU’ 8:12

Apa iatonna patonganmi tu Filipus, tu umpa’peissanan Kareba-kaparannuan diona ParentaNa Puang Matua sia sanganNa Yesu Kristus, ma’popedio’ nasangmi nala muane nala baine.

PENGGAURANNA RASULU’ 8:25

Iatonna mangkamo tu rasulu’ sola duai ungkatottongi sia umpa’peissanan kadanNa Puang, sulemi lako Yerusalem, sia umpalolang Kareba-kaparannuan lan lu ba’tu pira-pira tondok to Samaria.

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.