YOHANES 3:8 - Sura' Madatu

⁸ Iatu angin umba-umba ia nanii mangiri’ tu naporainna, na mirangi sia tu mongngo’na, apa tae’ miissanni umba nanii sae sia umba naola. Tenmoto tu mintu’nato dadi lu dio mai tu Penaa.

YOHANES 3:8 ပူးပေါင်းရင်းမြစ်များ

PA’PUDIAN 107:25

Ma’kadami umpasae angin bara’, tu umpakapua mintu’ bombangna.

PA’PUDIAN 107:29

Naparadanmi tu bara’ iato, anna rapa’ tu bombang.

PA’PUDIAN 135:7

Ia umpakendek damo’ dio randan langi’, sia umpaden kila’ situang uran, sia umpasun angin lan mai pa’palumpunanNa.

TOMANGADA’ 1:6

Iatu angin mangiri’ ma’palusau’, namane tibalik ma’palurekke, natontong male mengguririk, nasuleo dio pengguririkanna.

YEHEZKIEL 37:9

Ta’kala ma’kadaMi lako kaleku, Nakua: Ma’nubua’ko lako penaa iato, ma’nubua’ko e ma’rupa tau, ammu ma’kada lako penaa iato, mukua: Inde sia tu kadanNa Puangta PUANG: E penaa, saeko dio mai tetuk a’pa’na mata angin, ammu pamurru’i te to mate iate, anna tuo sule.

YOHANES 1:13

tu kombong tang lu dio mai rara sia tang lu dio mai kasikamaliranna kale sia tang lu dio mai kamoraianna muane, sangadinna lu dio mai Puang Matua.

YOHANES 3:7

Da mimangnga, belanna Kukuamo mati’ kumua: Sipatukomi didadian pole’.

YOHANES 3:9

Mebalimi Nikodemus nakua lako: Umba nakua la dadi tu ianna te?

PENGGAURANNA RASULU’ 2:2

Pakalan mongngo’mi dao mai langi’ susitu angin bara’ ma’paliu, ussamboi tu banua nanii unno’ko’ tinde tau.

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

1 KORINTUS 12:11

Apa mintu’nato, Ia bangsia tu Penaa misa’ unnato’i, Naserongi simisa’i situru’ pa’poraianNa.

1 KORINTUS 2:11

Belanna mindara la untandai tu lanna ba’tengna tau, sangadinna penaa inang lan tau iato? Ten dukamoto tae’ misa’ tau untandai tu lanna ba’tengNa Puang Matua, sangadinna PenaanNa Puang Matua.

1 YOHANES 2:29

Na iake miissanni kumua malambu’ tu Puang, manassa miissan duka kumua minda-minda umpogau’ kamalamburan, iamo lu dio mai Kalena.