YOHANES 3:2 - Sura' Madatu

² Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

YOHANES 3:2 ပူးပေါင်းရင်းမြစ်များ

1 DATU 17:24

Nakuami tinde baine lako Elia: Totemo kuissan tonganmo, kumua taunNakomi Puang Matua, na iatu kadanNa PUANG dio randan pudukmi manappa’.

YESAYA 51:7

PerangiiNa’, e kamu to untandai kamaloloan, e bangsa unnanna rara’ Sukaran alukKu lan penaanna. Da mikataku’i tu pelo’bona tolino sia da mipotirambanni tu pebe’sena tau iato mai.

YEREMIA 38:16

Membunimi tu datu Zedekia, umpalao sumpa lako Yeremia, nakua: La lelukraka tuoNa PUANG, tu mangka ungkombong penaanta, inang tae’ kula umpateikomi ba’tu ussorongkomi tama limanna tu to undaka’ lalan la umpateikomi.

MATIUS 22:16

Anak gurunna kalenami nasua sola to Herodian lao umpokadai kumua: O Guru, kiissan kumua Kamumo misa’ to malolo, sia lalanna tongan bang Puang Matua Mipa’pangadaran, sia tae’ tau Milaenan moi misa’ duka, belanna tae’ Mimentiro lindo lako tau.

MATIUS 23:7

sia naporai dipekatabe’i dio lu pasa’, sia naporai nasanga tau Rabi.

MATIUS 23:8

Apa iatu kamu da nasangaikomi tau Rabi: Belanna Misa’ri tu Gurummi, na iatu kamu sola nasang siulu’komi.

MARKUS 12:14

Saemi tinde tau, nakua lako: O Guru kiissan kumua to manappa’Komi sia tae’ tau Milaenan, belanna tae’ Mimentiro lindo lako tau, sangadinna lalanna tongan bang Puang Matua Mipa’pangadaran. Sipaturaka disorong tu sima lako datu kapua, tae’raka? La kisorongraka, tae’raka?

YOHANES 1:38

Messailemi tu Yesu; iatonna kitai undi urrundu’I, Nakuami ungkuanni: Apara tu midaka’? Nakuami mebali: O Rabi! – ke dipallemba’i battuananna Guru –: umbara Minii torro?

YOHANES 10:38

Apa iake kupogau’i, patonganni tu pengkarangan iato, moi natae’ mipatonganNa’, anna sakerangngan-rangnganna miissan sia mikatonganni kumua lan KaleKu tu Ambe’ sia Aku lan Ambe’.

YOHANES 12:37

Moi anna buda tongan tanda kalle-kallean Napogau’ Yesu dio tingayona tinde mai tau, apa tae’ duka napatonganNi,

YOHANES 14:10

Tae’raka mupatonganni, kumua Aku te lan Ambe’ sia iatu Ambe’ lan Kaleku? Mintu’nate kada Kupokadangkomi, tae’ Kuma’inaanna kalena umpokadai, sangadinna iatu Ambe’ tu lan Kaleku, Iamo umpogau’i tu penggauranNa.

YOHANES 15:24

Iakenna tae’ Kupogau’i dio tingayona tu penggauran tae’ bangpa to senga’ misa’ duka umpogau’i tae’ra nala kasalan tu tau iatu mati’; apa totemo natiromo, anna kabiri’Na’ sola Ambe’Ku.

YOHANES 2:11

Iamo te tu bunga’na tanda kalle-kallean tu Napogau’ Yesu dio Kana tana Galilea, sia umpa’pekitanan kamala’biranNa; napatonganmi anak gurunNa.

YOHANES 20:16

Nakuami Yesu lako: E Maria. Menggirikmi tu Maria sia nakua lako ma’basa Ibrani: Rabbuni! battuananna: Guru.

YOHANES 3:26

Saemi lako Yohanes sia nakua lako: O Rabi, iatu To misolan dio sambalinna lu Yordan, tu mikatottongi, tiromi undio’mo tau sia sangsaean tu tau lako Kalena.

YOHANES 4:31

Tonna iato natambaimi anak gurunNa, nakua: O Rabi, kumandemoKomi.

YOHANES 5:36

Apa iatu dikatottonginna diona Aku ondong Ia kapuanna na iatu nakatottonginna Yohanes; belanna mintu’na tu pengkarangan tu Nasorong Ambe’Ku lako Kaleku, kumua angKu pasundunni, mintu’namo tu pengkarangan iato, tu Kupogau’, iamoto tu ungkatottongi tu diona Aku, kumua Ambe’Ku tu ussuaNa’.

YOHANES 6:2

Lendu’mi budanna tau undi urrundu’I, belanna natiro tu tanda kalle-kallean Napogau’ lako to masaki.

YOHANES 7:31

Apa buda tau lan tinde to buda umpatonganNi sia nakua: Iake saeI tu Kristus, la buda pole’oraka tanda kalle-kallean Napaden na iatu Napadenna te Tau iate?

YOHANES 9:16

Nakuami tu to Farisi pira: Tangia To lu dio mai Puang Matua tu Tau iato, belanna tae’ Naturu’ atoranna allo katorroan. Den pole’o tu kumua: Ma’apai tu to kasalan nala ma’din umpogau’i tu tanda kalle-kallean susito? Sita’genmi tinde tau.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

PENGGAURANNA RASULU’ 2:22

E to Israel, perangii tu kadangku: Iatu Yesu to Nazaret, misa’ To Napamanassa Puang Matua lako kalemi umpake kamatotoran sia tanda mangnga sia tanda kalle-kallean tu Napaden Puang Matua Napapayananni Yesu dio tingayomi, susitu miissan kalenamo;

FILIPI 1:14

Sia buda tu mai sangsiuluranta umporannuomo Puang diona tu kaditarungkuangku, anna sabatta’-batta’na tang mataku’ umpokadai tu kadanNa Puang.

TO PARENGNGE’ 6:27

Pakalan natambaimi Gideon tu solana sangpulo, anna pogau’i susitu kadanNa PUANG lako kalena; apa belanna mataku’ lako sangdadianna sia lako pa’tondokan iato la umpogau’ alloi, iamoto napogau’ bongii.