YOHANES 2:4 - Sura' Madatu

⁴ Nakuami Yesu lako: E baine, apamora la mituntun dio mai Kaleku? natae’pa nalambi’i attungKu.

YOHANES 2:4 ပူးပေါင်းရင်းမြစ်များ

2 SAMUEL 16:10

Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

2 SAMUEL 19:22

Apa nakua Daud: La siapariki’, e anakna Zeruya? Belanna allo iate dadikomi to umbalina’. Ma’apai anna la den misa’ tau dipatei allo iate dio lu to Israel. Belanna inang kuissan, kumua allo iate dadi pole’mo’ datu lako mintu’ to Israel.

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

TOMANGADA’ 3:1

Iatu mintu’ apa den attunna sia iatu apa la dadi nasambo langi’ den nasang allona.

MATIUS 15:28

Mebalimi Yesu, sia Nakua lako: E baine! matoto’ tongan kapatonganammu; dadimo lako kalemu susitu mukamorainna. Matana bangsiami tu anakna baine to attu iato.

MATIUS 8:29

Melalla-lallami sola duai nakua: La siaparaki’, e AnakNa Puang Matua? Iaraka Misae te, la saeKomi umpakario-riokanni dolo namane attunna?

LUKAS 2:49

Nakuami Yesu lako: Ma’apari ammi daka’Ra’? Tae’raka miisan, kumua iatu Aku tae’ Kutang lan banuanNa Ambe’Ku?

YOHANES 12:23

Mebalimi Yesu sia Nakua ungkuanni tinde mai tau: Nalambi’mo attunna tu Anak rampan dilino la dipakala’bi’.

YOHANES 13:1

Tae’ bangsia nalambi’i tu pa’gauran Pasa, tonna issanmi Yesu, kumua nalambi’mo attunNa la lumele lan mai te lino lako Ambe’, Napasundunmo sae lako ma’katampakanna tu kamamaseanNa lako mintu’ taunNa lan te lino, tu Nakamaseinna.

YOHANES 2:3

Iatonna tang silasamo tu uai anggoro’, nakuami indo’Na Yesu lako: Tae’mo uai anggoro’na te tau.

YOHANES 20:13

Nakuami lako: E baine, ma’apai ammu tumangi’? Nakuami Maria lako: Belanna naalamo tau tu Puangku, natae’ kuissanni ba’tumba napanii.

YOHANES 20:15

Nakuami Yesu lako: E baine, ma’apari ammu tumangi’? Mindara mudaka’? Belanna nasanga Maria to ma’kampa pa’lak, nakuami mebali lako: O tuang, iake kamu umpalelei male, pokadanna’ umbara Mipannii, angku lao unnalaI.

YOHANES 7:30

Undaka’mi lalan tu tau la untingkanNi, apa tae’ bang misa’ umpata’pai lima, belanna tae’pa nalambi’i attunNa.

YOHANES 7:6

Nakuami Yesu ungkuanni: Tae’pa nalambi’i attungKu, apa iatu attummi tontong bang kamu den.

YOHANES 7:8

Laomokomi kamu umpellindoi tu pa’maruasan allo kapua. Tae’pa Aku Kula lao umpellindoi tu pa’maruasan allo kapua, belanna tae’pa nalambi’i attungKu.

YOHANES 8:20

Mintu’nate kada iate Napokada sikandappi’ inan patti doi’ pa’kamasean tonna marassan mangada’i lan Banua Kabusungan; na moi misa’ tau tae’ untingkanNi, belanna tae’pa nalambi’I attunna.

2 KORINTUS 5:16

Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.

PA’TOLE 33:9

tu napokada diona ambe’na sia indo’na kumua, tae’ kutiroi; iatu siulu’na tae’ natandai sia iatu mai anakna tae’ naissanni. Belanna ungkaritutui kadamMi sia ungkanannangi basseMi.