YOHANES 2:2 - Sura' Madatu

² Iatu Yesu sola anak gurunNa ditambai duka lako tu pa’maruasan to ma’kapa’.

YOHANES 2:2 ပူးပေါင်းရင်းမြစ်များ

MATIUS 12:19

Tae’ Ia nala massigaga ba’tu metamba-tamba, sia moi misa’ duka tau tae’ la urrangii gamaranNa dio lu to’ kasitammuan lalan.

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

MATIUS 25:45

La mebali tu Datu, sia ma’kada lako tu tau kumua: Tonganna tongan Kukua mati’, kumua tumba tu tang mipogau’na lako misa’i te to makario-rio iate, tae’ duka naden tu mipogau’na lako Kaleku.

YOHANES 2:12

Upu’ to malemi tu Yesu rokko Kapernaum sola indo’Na sia siulu’Na na anak gurunNa; apa tae’ napirang allo torro dio.

YOHANES 2:17

Tilanta’mi lan penaanna anak gurunNa tu mangka disura’ kumua: Kamakaritutuan lako banuamMi la umpapuru’ penaangKu.

YOHANES 2:22

Iamira tonna malimbangunmo dio mai to’ to mate, namane ungkilalai anak gurunNa kumua mangkamo Napokada te; napatonganmi tu Sura’ Madatu sia iatu kada mangka Napokada Yesu.

YOHANES 2:3

Iatonna tang silasamo tu uai anggoro’, nakuami indo’Na Yesu lako: Tae’mo uai anggoro’na te tau.

YOHANES 3:22

Undinnato saemi tu Yesu sola anak gurunNa lako tana Yudea; torromi sola dio Naundio’ tau.

YOHANES 4:2

– moi anna tae’ na Yesu kalena undio’ tau, sangadinna anak gurunNa ia tu ma’dio’ –

YOHANES 4:33

Sipa’kada-kadami tu anak gurunNa nakua: Dendaka tau umbanNi kande?

YOHANES 4:8

Belanna iatu anak gurunNa malemo tama tondok unnalli kande.

YOHANES 6:12

Iatonna dia’ nasangmo tu tau, Nakuami lako anak gurunNa: Rampun nasangi tu sesanna, da naden masala.

YOHANES 6:16

Iatonna makaroenmo malemi rokko tasik tu anak gurunNa,

YOHANES 6:60

Budami tu to unturu’I urrangii tu kadanNa susito, ma’kada kumua: Makarra’ maro’ ia te kada iate, mindara ma’din la umperangii?

YOHANES 6:66

Iamoto nabuda sorong boko’ tu to unturu’I, sia tae’mo namale sola.

YOHANES 6:67

Nakuami Yesu lako anak gurunNa sangpulo dua: Na iate kamu te la male dukarokomika?

YOHANES 6:70

Nakuami Yesu mebali lako tinde tau: Tang mangkamorokomika Kupilei te tau sangpulo dua? Apa denkomi misa’ tu deata bulituk.

YOHANES 6:71

Iatu kadanNa to, Yudas anakna Simon Iskariot napatu: belanna inang iamotu la umpa’peturoan Yesu sia ia dukamo misa’ tu anak gurunNa sangpulo dua.

YOHANES 6:8

Denmi misa’ tu anak gurunNa iamotu Andreas siulu’na Simon Petrus, nakua lako:

YOHANES 7:3

Nakuami tu mai siulu’Na lako: Ke’de’moKo inde te, amMu male lako tana Yudea, anna tiro dukai to unturu’Ko tu penggauran Mupogau’.

PENGGAURANNA RASULU’ 11:26

Iatonna kabu’tuimi, nasolammi lako Antiokhia. Tenmoto ganna’ bang sangtaun sola duai torro to sae sisola kombongan, sia lendu’ budanna tau naada’i. Diomo Antiokhia bunga’-bunga’na tu to menturu’ nasangai tau to Kristen.

PENGGAURANNA RASULU’ 11:29

Nasituru’imi tu to menturu’ pada umpopatu patunna anna umpakatu pa’tulungna lako to menturu’ dio tana Yudea.

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

1 KORINTUS 7:39

Iatu baine kemuane manda’pa sangkinna, ke tuopi muanena; apa iake matemi muanena, tilendokmo, ma’inaannamo kemuane minda-minda naporai, podo natete dio Puang.

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

IBRANI 13:4

La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.

KADA OMBO’ LAKO RASULU’ YOHANES 3:20

Tiromi bendanNa’ dio to’ ba’ba angKu ma’dedek; iake narangii tau tu gamarangKu, anna bungkaranNa’ ba’ba, la tamaNa’ angKu kumande sola.