YOHANES 2:11 - Sura' Madatu

¹¹ Iamo te tu bunga’na tanda kalle-kallean tu Napogau’ Yesu dio Kana tana Galilea, sia umpa’pekitanan kamala’biranNa; napatonganmi anak gurunNa.

YOHANES 2:11 ပူးပေါင်းရင်းမြစ်များ

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.

YOHANES 6:2

Lendu’mi budanna tau undi urrundu’I, belanna natiro tu tanda kalle-kallean Napogau’ lako to masaki.

YOHANES 6:30

Nakuami tu tau lako: Apara tu tanda kalle-kallean Mipogau’, kitiroi angki patonganKomi? Apara tu Mipogau’?

YOHANES 6:26

Nakuami Yesu mebali lako tinde tau: Tonganna tongan Kukua mati’, iari midaka’Na’ tae’ kumua belanna mitiromo tu tanda kalle-kallean, sangadinna belanna ungkandekomi roti sadia’mi.

YOHANES 6:14

Iatonna tiromi tau tu tanda kalle-kallean Napogau’, nakuami tu tau: Manassa Iamote tu nabi la sae tama te lino.

YESAYA 40:5

Iatu kamala’biranNa PUANG la dipaombo’ sia mintu’ tolino pada la untiroi, belanna sunmo dio pudukNa PUANG.

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

YOHANES 14:13

Sia apa-apa tu mipalaku tete dio sangangKu, iamo la Kupogaurangkomi, kumua anNa dipakala’bi’ tu Ambe’ diona Anak.

YOHANES 12:41

Iamote tu napokada nabi Yesaya, belanna natiromo tu kamala’biranNa anna pokadai tu a’ganNa.

YOHANES 12:37

Moi anna buda tongan tanda kalle-kallean Napogau’ Yesu dio tingayona tinde mai tau, apa tae’ duka napatonganNi,

YOHANES 2:23

Tonna diomo Yerusalem, tonna allo kapua dinii Ma’pasa, budami tau umpatonganni tu sanganNa, belanna nakitamo tu tanda kalle-kallean Napogau’.

YOHANES 1:50

Mebalimi Yesu sia Nakua ungkuanni: Ma’patonganrokoka, tu belanna Kukua mati’: Kukitako dio to’ kayu ara? La mukita tu ondong kapuanna na iate iannate.

PA’PUDIAN 96:3

Pakaleleammi tu kamala’biranNa dio lu mintu’ bangsa, sia iatu penggauran kalle-kalleanNa dio lu mintu’ to sangpetayanan.

1 YOHANES 5:13

Mintu’na apa iate mangkamokomi kusurasan dikua ammi issanni, kumua unnampuikomi katuoan matontongan, tu kamunna umpatongan sanganNa AnakNa Puang Matua.

YOHANES 4:46

Ma’tole pole’omi sae dio Kana, tana Galilea, tu Naninna umpopennanggoro’ uai. Denmi misa’ to untoe parea dio datu, dio Kapernaum, masaki tu anakna muane.

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

PA’TOLE 5:24

Manassa PUANG, Kapenombanta, mangkamo umpakitangki’ tu kamala’biranNa sia kapasareongananNa, sia iatu gamaranNa tarangimo lan mai tangnga to’ api; allo iate kitiromo, kumua iatu Puang Matua sipa’kada misa’ tolino sia tontong siapa tuo tu tau iato.

KATASSURAN 4:9

Iake tae’ dukapi napatonganni tau iato mai te tanda iate da’dua, sia tae’ naperangii tu kadammu, la muala tu uai diong mai salu Nil, ammu bolloanni rokko padang, na iatu uai muala diong mai salu Nil, la membali rara dao padang.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

2 KORINTUS 3:18

Apa kita sola nasang te tang membungku’na, nanii bayo-bayo kamala’biranNa Puang butung misa’ sammin, sia membaliki’ susitu rupa iato nasakendek-kendekna kamala’biranta, susitu lu diona mai PenaanNa Puang.

YOHANES 11:15

Sia parannuNa’ belanna kamu, tu tae’ Kudio, kumua ammi ma’patongan; apa maimokomi talao lako.

YOHANES 1:17

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.

MALEAKHI 2:2

Iake tae’i miperangii sia tae’ mipalan penaai, ammi pangke’i tu sangangKu, kadanNa PUANGna mintu’ ma’dandan maritik, la Kuparampo tu tampak ropu lako kalemi, sia la Kupopembali tampak ropu tu pa’passakkemi; ondongpi mangkamo Kupopembali tampak ropu, belanna tae’ mipalan penaai.

KATASSURAN 14:31

Attu iato natiro to Israel tu penggauran matoto’ Napogau’ PUANG lako mintu’ to Mesir; anna kataku’i tau iato mai tu PUANG sia napatongan tu PUANG sia iatu Musa, taunNa.

1 DATU 17:24

Nakuami tinde baine lako Elia: Totemo kuissan tonganmo, kumua taunNakomi Puang Matua, na iatu kadanNa PUANG dio randan pudukmi manappa’.

YOHANES 1:43

Iatonna masiang to la malemi lako Galilea; Nasiappa’ Filipus. Nakuami ungkuanni: Undiko urrundu’Na’.

YOHANES 2:1

Ma’duang allo lendu’nato, denmi pa’maruasan to ma’kapa’ dio Kana, tana Galilea, sia iatu indo’Na Yesu dio ren.

YOHANES 4:3

Natampemi tu tana Yudea, Nake’de’ sule lako Galilea.

YOHANES 4:54

Iamote tu tanda kalle-kallean ma’penduanna Napogau’ Yesu tonna lu dio mai tana Yudea Nasae lako Galilea.

YOHANES 7:31

Apa buda tau lan tinde to buda umpatonganNi sia nakua: Iake saeI tu Kristus, la buda pole’oraka tanda kalle-kallean Napaden na iatu Napadenna te Tau iate?

YOHANES 9:16

Nakuami tu to Farisi pira: Tangia To lu dio mai Puang Matua tu Tau iato, belanna tae’ Naturu’ atoranna allo katorroan. Den pole’o tu kumua: Ma’apai tu to kasalan nala ma’din umpogau’i tu tanda kalle-kallean susito? Sita’genmi tinde tau.

YOHANES 10:41

Budami tau sae lako Kalena sia nakua: Inang tae’ ia tanda kalle-kallean misa’ Napogau’, apa mintu’na tu apa napokada diona te Tau iate, tonganna bang.

YOHANES 11:47

Iamoto anna rampunni pangulu to minaa sia to Farisi tu mai to diala Ada’ lompo, anna kua: Umbamora tu tangnga’ la tapogau’, belanna buda bangmo tu tanda kalle-kallean Napogau’ tu Tau tu?

YOHANES 12:18

Iamoto anna lao tu to buda untammui, belanna narangi kumua Napadenmo Yesu tu tanda kalle-kallean iato.

YOHANES 16:27

apa Ambe’ kalena umpakaboro’komi, tu belanna kamu te mikamaseiNa’, sia belanna mipatonganmo kumua Aku te lu dioNa’ mai Puang Matua.

YOHANES 16:30

Totemo kiissan kumua mintu’ apa Mitandai sia tae’mo namanggi’ tau mekutana lako Kalemi; Iamoto angki patonganni kumua lu dioKomi mai Puang Matua.