YOHANES 2:10 - Sura' Madatu

¹⁰ nakuami ungkuanni: Biasanna ia napa’pairusan tau dolo tu anggoro’ mammi’, nabossapi tu tau unniru’i, namane dipa’pairusan tu tangkanna mammi’; anna mipalumpunni bang kamu tu mammi’na sae lako totemo.

YOHANES 2:10 ပူးပေါင်းရင်းမြစ်များ

KADADIAN 43:34

Naangka’mi tau tu pa’sanduk dio mai olona Yusuf lako tingayona tau iato mai, apa iatu sandukanna Benyamin pellima losongna na iatu sandukanna to senga’. Mangiru’mi tu tau iato mai sola, sia sende-sende.

PA’PUDIAN 104:15

Sia uai anggoro’ tu umpasende tolino, sia minnak tu umpatibangka’ rupanna, sia bo’bo’ tu umpamalapu’ penaanna tolino.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

MATIUS 24:49

anna parandukki ungkambei tu mai solana, sia kumande-mande sia mangiru’-iru’ sola to pa’malangoan.

LUKAS 12:45

Apa iake ia lan penaanna tu tau iato, kumua: masai siapa namane sae puangku; naparandukki ungkambei tu mintu’ kaunan, nala muane, nala baine, sia kumande sia mangiru’ samalangona;

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

PENGGAURANNA RASULU’ 2:15

Belanna kami te sola nasang tae’ kimalango susitu misanganna, belanna mane te’te’ kasera melambi’;

1 KORINTUS 11:21

Belanna lan tu kakumandean, pantan ma’inaanna bang unnala kandena dolo, naurunganni den tu tangdia’, den tu ma’pelango.

EFESUS 5:18

Da mima’pelango anggoro’ tu umpabu’tu tang penggauran, sangadinna la Naponnoikomi Penaa,

1 TESALONIKA 5:7

Belanna iatu to mamma’, bonginna nanii mamma’, sia iatu to tarru’ pangiru’, bonginna duka nanii malango.

KADA OMBO’ LAKO RASULU’ YOHANES 17:2

iamora nasigau’-salan mintu’ datu lan lino, sia mintu’na issinna lino nalangomo uai anggoro’ gau’ salana.

KADA OMBO’ LAKO RASULU’ YOHANES 17:6

Kutiromi tu baine iato nalango rara, rarana mintu’ to masallo’ sia rarana mintu’ to ungkatottongI Yesu. Lendu’ mangngaku untiroi.