YOHANES 17:4 - Sura' Madatu

⁴ MangkamoKomi Kupakala’bi’ lan lino angKu pasundunni tu pengkarangan Misorong lako Kaleku la Kupogau’.

YOHANES 17:4 ပူးပေါင်းရင်းမြစ်များ

LUKAS 22:37

Belanna Kukua lako kalemi: Iapa te ianate tu disura’, tae’ nasalai tang disundunninna lako Kaleku, kumua: Dipasisangbilangan to kadake. Belanna mintu’na tu disura’ diona Aku, disundunnimo.

YOHANES 12:28

O Ambe’, pakala’bi’i tu sangamMi! Denmi tu gamara dao mai langi’ ma’kada nakua: Kupakala’bi’mo sia la Kupakala’bi’ pole’pa.

YOHANES 14:13

Sia apa-apa tu mipalaku tete dio sangangKu, iamo la Kupogaurangkomi, kumua anNa dipakala’bi’ tu Ambe’ diona Anak.

YOHANES 14:31

Apa dikua anna issanni issinna te lino kumua ungkamali’Na’ Ambe’, sia Kupogau’ susitu Napokadanna Ambe’ lako Kaleku. Ke’de’mokomi, maimokomi tamale.

YOHANES 15:10

Iake ungkaritutuikomi mintu’ parentaKu, manassa tontongkomi lan pa’kaboro’Ku, susi Aku mangkamo ungkaritutui mintu’ parentaNa Ambe’Ku sia tontong lan pa’kaboro’Na.

YOHANES 19:28

Undinnato, belanna Naissan Yesu kumua sundun nasangmo, kumua anna sundun tu kada lan Sura’ Madatu, Nakuami: Ma’rangNa’.

YOHANES 19:30

IatonNa lepa’i Yesu tu sukka, Nakuami: Sundunmo! Tukkumi, Naussorong penaanNa.

YOHANES 4:34

Nakuami Yesu ungkuanni: Iatu kandeKu, iamotu umpogau’ pa’poraianNa To ussuaNa’, sia ussundunni pengkaranganNa.

YOHANES 5:36

Apa iatu dikatottonginna diona Aku ondong Ia kapuanna na iatu nakatottonginna Yohanes; belanna mintu’na tu pengkarangan tu Nasorong Ambe’Ku lako Kaleku, kumua angKu pasundunni, mintu’namo tu pengkarangan iato, tu Kupogau’, iamoto tu ungkatottongi tu diona Aku, kumua Ambe’Ku tu ussuaNa’.

YOHANES 9:3

Nakuami Yesu mebali: Tae’ ia na iate tau te umpogau’ kasalan; sia tae’ ia na to matuanna, sangadinna kumua anna payan dio kalena tu penggauranNa Puang Matua.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

2 TIMOTIUS 4:7

Kupembela-belai tonganmo lan rari melo diona kapatonganan, kusundunnimo tu tage’ku, kukaritutuimo tu kapatonganan.