YOHANES 17:3 - Sura' Madatu

³ Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

YOHANES 17:3 ပူးပေါင်းရင်းမြစ်များ

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 15:3

Masai allomo tu to Israel tae’ Kapenomban tonganna, sia tae’ to minaanna, tu ma’pangada’, sia tae’ tu sukaran alukna.

PA’PUDIAN 9:10

PUANGmo tu napobenteng malangka’ mintu’ to dipakario-rio, Iamo tambakuku lan attu kamandasan.

SARAMBU PEADA’ 8:35

Belanna minda-minda tu unnappa’na’, ungkabu’tui katuoan sia unnappa’ kamasokanan dio mai PUANG.

YESAYA 48:16

Mengkareke’komi sola nasang lako Kaleku, ammi perangii te: Inang tae’ Kubuni tu apa Kupokada tempon dio mai; iatonna dadi to mai inang denMo’. Totemo Nasuana’ Puangta PUANG sola PenaanNa;

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

MARKUS 9:37

Minda-minda untammui misa’ pia’-pia’ susite diona sangangKu, ia dukamo untammuiNa’; na minda-minda duka untammuiNa’, tae’ kumua Aku natammui, sangadinna iatu To mangka ussuaNa’.

LUKAS 9:48

Namane kumua lako tau iato mai: Minda-minda untammui tu pia’-pia’ susite diona sangangKu, ia dukamo untammuiNa’ sia minda-minda tu untammuiNa’, ia dukamo untammui tu To ussuaNa’ belanna iatu bitti’na lan te kamu sola nasang, iamo kapuana.

YOHANES 10:36

sipaturaka la mikua lako tu To Napamaindan Ambe’ sia Nasua tama te lino, kumua: Umpa’kada solangiKomi Puang Matua, tu belanna Kukua: Aku te, AnaknaNa’ Puang Matua?

YOHANES 11:42

Inang Kuissanmo kumua tontongKomi umperangiiNa’, apa belanna iari te to buda bendan untalimbungNa’, angKu pokadai te, anna patonganni kumua Kamu ussuaNa’.

YOHANES 14:26

Apa iatu Panglalan iamotu Penaa Masallo’, tu la Nasua Ambe’ tete dio sangangKu. Iamo la unnada’ikomi tu mintu’nato sia la umpakilalakomi tu mintu’na mangkanna Kupokadangkomi.

YOHANES 17:18

Susi Kamu ussuaNa’ tama te lino, susi dukamoto tu Aku ussuai tama lino.

YOHANES 17:21

kumua anna mendadi misa’ sola nasangi, susi Kamu lan Kaleku, o Ambe’, sia Aku lan Kalemi, anna mendadi misa’ duka lan Kaleta, anna patonganni issinna te lino, kumua Kamu ussuaNa’.

YOHANES 17:23

LanNa’ kalena sia Kamu lan Kaleku, kumua anna sundun kasiturusanna; anna issanni issinna te lino kumua kamumo tu ussuaNa’, sia umpakaboro’i tu tau iato susi Aku Mipakaboro’.

YOHANES 17:25

O Ambe’ malolo, moi anna tae’ natandaiKomi issinna te lino, apa Aku KutandaiKomi, sia naissanmo te tau iate kumua Kamu tu ussuaNa’.

YOHANES 17:8

Belanna mintu’na tu kada Mipokada lako Kaleku, iamo Kuparampo lako tu tau sia natarimamo, sia naaku tonganmo kumua lu dioNa’ mai Kalemi, sia napatongan kumua Kamumo tu ussuaNa’.

YOHANES 3:17

Belanna iari Nasuai Puang Matua tu AnakNa tama te lino, tae’ kumua Napa’peukunganni tu lino, sangadinna kumua anNa karimmanni te lino.

YOHANES 3:34

Belanna Iamotu Nasua Puang Matua umpokada kadanNa Puang Matua, apa tang liu-liu tu Puang Matua umpa’kamasean Penaa.

YOHANES 5:44

Umba la mikua ma’patongan, ke sipa’tuntunangkomi kadibilangan, natae’ mituntun kadibilangan dio mai Puang Matua?

YOHANES 6:57

Tumba tu Ambe’ matontongan ussuaNa’, sia Aku umpotuo Ambe’, susi dukamoto minda-minda ungkandeNa’ la napotuoNa’.

YOHANES 7:29

Kutandai Aku, belanna Ia Kunii ke’de’, sia Iamotu ussuaNa’.

YOHANES 8:19

Nakuami tu tau lako: Umbara nii tu Ambe’Mi? Nakuami Yesu mebali: Tae’ mitandaiNa’, sia iatu Ambe’Ku tae’ duka mitandai. Iake mitandaiNa’, manassa mitandai duka tu Ambe’Ku.

1 KORINTUS 15:34

La mengkilalamokomi situru’ sipato’na sia da’mo mipengkaolai kasalan: belanna denkomi pira tu tang untandai Puang Matua. Ia sia kupokadai te kumua ammi masiri’.

1 KORINTUS 8:4

Iatu diona ungkande kande dipemalaran lako deata, taissan kumua iatu deata moi misa’ tae’ lan te lino, sia tae’ kapenomban senga’ sangadinna Misa’ri.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

FILIPI 3:10

Kumua angku ma’din untandai sia iatu kuasa kamalimbangunanNa sia kasiturusanNa lan kamaparrisanNa, angku dipasangrupa diona kamateanNa,

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

1 TESALONIKA 1:9

Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

IBRANI 3:1

Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

2 PETRUS 1:2

dennoupa’ anna sakerangngan-rangnganna tu pa’kamasean sia kamarampasan lako kalemi, diona kauntandaiammi Puang Matua sia Yesu, Puangta.

2 PETRUS 1:3

Belanna kamatotoran kamendeatanNa nakamaseammoki’ tu mintu’na apa mebaa lako katuoan sia kapengkaolan, bannang dio kauntandaiannai tu To untambaiki’ tete dio kamala’biranNa sia kasundunan kameloanNa.

2 PETRUS 1:8

Belanna iake dio nasangi kalemi tu iannate, sia sakerangngan-rangnganna, iamora tang untangga’komi tukkunan sia tang membua diona kapaissanan untandai Puangta Yesu Kristus.

1 YOHANES 1:2

– na iatu katuoan mangkamo dipasombo sia kitiromo, angki katottongi sia kipa’peissanan lako kalemi tu katuoan matontongan, tu inang denmo siayoka Ambe’, anna dipasombo lako kaleta; –

1 YOHANES 1:3

iatu apa kitiromo sia kirangimo, ia dukamo kipa’peissanan pole lako kalemi, anna kamu duka tama kasiulangan lan kasiturusan sisola kami; iatu kasiturusangki iamo kasiturusan kisiulangi Ambe’ sia Yesu Kristus, AnakNa.

1 YOHANES 2:23

Minda-minda umpeonganni Anak, tae’ duka anna poAmbe’i tu Puang Matua, apa iatu to unnaku Anak, napoAmbe’ tu Puang Matua.

1 YOHANES 4:6

Kita te lu dioki’ mai Puang Matua; sia iatu to untandai Puang Matua, iamo umperangiiki’; apa iatu to tae’ nalu dio mai Puang Matua, tae’ ia naperangiiki’. Susinnamoto tanii untandai tu penaa tongan sia penaa pusa.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.