YOHANES 17:1 - Sura' Madatu

¹ Susimoto tu kadanNa Yesu, Namentingara langngan langi’ anNa ma’kada, Nakua: O Ambe’, nalambi’mo attunna, pakala’bi’mi tu AnakMi, anNa pakala’bi’komi AnakMi.

YOHANES 17:1 ပူးပေါင်းရင်းမြစ်များ

YOHANES 12:23

Mebalimi Yesu sia Nakua ungkuanni tinde mai tau: Nalambi’mo attunna tu Anak rampan dilino la dipakala’bi’.

PENGGAURANNA RASULU’ 3:13

Puangna Abraham sia Ishak sia Yakub, tu Puangna nene’ to dolota umpakala’bi’ TaunNa, iamotu Yesu, tu misorong kamu sia mipeoanganni dio olona Pilatus, tonna ra’ta’i kumua la dirampanan.

YOHANES 7:39

Iatu Napokadanna te diona Penaa, tu la natarima mintu’ to umpatonganNi; apa attu iato tae’pa tu Penaa Masallo’ belanna tae’pa Nadipakala’bi’ tu Yesu.

1 PETRUS 1:21

bannang diomora Kristus, ammi patongan Puang Matua, tu umpamalimbangunNi dio mai to’ to mate sia Naba’gi kamala’biran, naurunganni lu lako Puang Matua tu kapatonganammi sitonda kapa’rannuanammi.

YOHANES 11:4

Apa iatonna rangii Yesu to, Nakuami: Tae’ ia nala umpomatei tu saki iato, sangadinna la Napomala’bi’ Puang Matua, kumua anNa dipakala’bi’ tu AnakNa Puang Matua diona to.

MARKUS 14:41

Saemi tonna ma’pentallunna Nama’kada lako tinde tau Nakua: Mamma’ bangmokomi mipamondo ta’ka’mi; totemo ganna’mo; nalambi’mo attunna; tiromi tu Anak rampan dilino disorong lako to kasalan.

PA’PUDIAN 123:1

Nanian Hamaa’lot. Mentingara mati’na’ Kalemi, o PUANG, unnisungi suruga.

YOHANES 11:41

Naberumi tau tu batu. Mentingarami tu Yesu anNa ma’kada Nakua. O Ambe’, ma’kurre sumanga’Na’ mati’, belanna MiperangiiNa’.

YOHANES 8:20

Mintu’nate kada iate Napokada sikandappi’ inan patti doi’ pa’kamasean tonna marassan mangada’i lan Banua Kabusungan; na moi misa’ tau tae’ untingkanNi, belanna tae’pa nalambi’I attunna.

YOHANES 7:30

Undaka’mi lalan tu tau la untingkanNi, apa tae’ bang misa’ umpata’pai lima, belanna tae’pa nalambi’i attunNa.

YOHANES 16:32

Tiromi, attunnamo, ontongpi nalambi’mo attunna, kumua la dipasisarak-sarak simisa’komi lako to’ inanmi ammi sitampeiNa’ misa-misa; apa tae’ angKu misa-misa, belanna NarondongNa’ Ambe’.

YOHANES 13:1

Tae’ bangsia nalambi’i tu pa’gauran Pasa, tonna issanmi Yesu, kumua nalambi’mo attunNa la lumele lan mai te lino lako Ambe’, Napasundunmo sae lako ma’katampakanna tu kamamaseanNa lako mintu’ taunNa lan te lino, tu Nakamaseinna.

LUKAS 22:53

Kiallo-kiallo misisolanNa’ lan Banua Kabusungan, tae’ra mipata’paiNa’ limammi, apa iamote tu allu’mi sia parenta kamalillinan!

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

YESAYA 38:14

Susi kaluppini’ ma’kisi’-kisi’, susi dukamoto tu gamarangku. Mamali’na’ mentingara lu langngan, o PUANG; mataku’na’, Kamu la unnindo’ina.