2 La natassu’ikomi lan mai banua pa’kombongan. Ontongpi la sae tu attunna, to kumua minda-minda tu umpateikomi la nasanga napopenomba langngan Puang Matua.
Sia to ma’kada susite nakua: Mari’piKomi indetu, da Mireke’na’, belanna aku te to tang direke’. Iate tau iate susito rambu lan illongKu sia sangtinti api dukku tu’tu’allo.
Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.
Sia iatu to paissan dio lu bangsa iato la unnada’i buda tau, apa la songka belanna nakande pa’dang sia api sia ditarungku sia dipangrampai ba’tu sangapa-apa masainna.
Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.
Mintu’na tu iannato Kupokadamo lako kalemi Kualan pa’pasusian; apa la sae tu attunna tu tang la Kuninnamo unnala pa’pasusian ma’kada lako kalemi, sangadinna la Kupamanassa pissan bangmo Kupa’peissanan lako Kalemi tu diona Ambe’.
Nakuami Yesu ungkuanni: E baine, patonganNa’, kumua la sae tu attunna, to ke mipenombaimi tu Ambe’, tang daora buntu iate sia tang dio dukara Yerusalem.
Apa la sae tu attunna, na nalambi’mo totemo, kumua mintu’na tu to menomba tongan la menomba lan ia penaa langngan Ambe’ tu tonganna; belanna iari Nadaka’ Ambe’ tu to menomba susito.
Ia sia napokadai indo’ ambe’na susito, apa mataku’ lako to Yahudi; belanna nasituru’imo to Yahudi kumua, ianna den tau unnakuI kumua Mesias, la ditassu’i lan mai banua pa’kombongan tu tau iato.
Iatonna bungka’mi Anak domba tu ca’ ma’pellimanna, kutiromi diong to’ inan pemalaran tu mintu’ bombo mendeatanna to mangka dipatei belanna kadanNa Puang Matua sia belanna pa’katottongan natoe tau iato mai.
Ma’kadami tu pa’tondokan lako Yoas, nakua: Solanni lako salian tu anakmu muane, manassa la dipatei, belanna mangkamo urrondon inan pemalaranna Baal sia ullelleng lentong dipodeatanna, tu bendan dio.