YOHANES 11:9 - Sura' Madatu

⁹ Nakuami Yesu mebali: Tang sangpulo duaraka diang lan sangallona? Iake lumingka alloi tu tau, tae’ natitodo, belanna untiro maserona te lino.

YOHANES 11:9 ပူးပေါင်းရင်းမြစ်များ

SARAMBU PEADA’ 3:23

Ammu ola marampa’i tu lalanmu sia tae’ nala titodo tu lette’mu.

YEREMIA 31:9

Anna sae tu tau iato mai situang tangi’na, AngKu solanni natontong mengkamoya-moya; la Kusolan lako to’ salu’-salu’ dio lalan marante, tu tae’ nanii titodo lette’na. Belanna Aku napoambe’ Israel na Efraim iamo anak pa’bunga’Ku.

YOHANES 11:10

Apa iake denni tau lumingka bongi, titodo, belanna tae’ maserona lan kalena.

YOHANES 12:35

Nakuami Yesu ungkuanni tinde mai tau: Sattu’mora tu arrang la misisolan; malemokomi su’ding denpi tu arrang misisolan da ammi kalillinan. Minda-minda tu lumingka lan kamalillinan, tae’ naissanni tu naolainna.

YOHANES 9:4

Ke masiang siapi sipatuki’ la ungkarangi tu pengkaranganNa tu To ussuaNa’. Belanna la sae tu bongi to ke tae’mi tau misa’ ma’din mengkarang.

1 YOHANES 2:10

Apa iatu to umpakaboro’ siulu’na, tonang lan ia masiangna, nalan tau iato tae’ dipotitumbunna.