YOHANES 11:52 - Sura' Madatu

⁵² Sia tae’ kumua la ussonda mannai bangsa iato, sangadinna kumua anNa pasirampunni tu mai mintu’ anakNa Puang Matua tu sisarak-sarak bangmo anNa pamisa’i kombongan.

YOHANES 11:52 ပူးပေါင်းရင်းမြစ်များ

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

PA’PUDIAN 22:15

Aku te butungna’ uai tibollo, sia iatu mai bukungku silesangan; sia ia duka tu penaangku butung to panti’, lollo’ lan ba’tangku.

PA’PUDIAN 22:27

Iatu to umpamadiongan penaanna la kumande sadia’na, sia mintu’ to undaka’ PUANG la umpudiI. Sangapaoi anna paya tu sumanga’mi tontong sae lakona.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

YESAYA 49:18

Bangunanni tu matammu tiku lao, ammu tiroi tu mintu’ tau iato mai; sirampunmo anna sae unpengkareke’iko. La lelukraka tuoKu, kadanNa PUANG, mula umpakeanri kalemu butung to belo, sia la mukassaran kalemu sangtinti baine diparampo.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 55:5

Misa’ bangsa tang mutandai la mutambai sia iatu bangsa tang untandaiko la sae lako kalemu belanna pa’poraianNa PUANG, Kapenombammu, sia belanna pa’poraianNa To maserona to Israel, saba’ Napakala’bi’ko.

YESAYA 56:8

Inde sia tu kadanNa Puangta PUANG, tu umpasipulung mintu’ to Israel, tu diula’imo lan mai tondokna, nakua: La Kupasipulung lako tau iato mai tu to senga’, losong na iatu dipasipulungnamo.

YESAYA 60:4

Bangunanni tu matammu, tiroi tiku lao: la ma’balole’ tu tau iato mai sirampun lako kalemu; iatu mai anakmu muane la sae dio mai padang mambela sia iatu mai anakmu baine la sae duka dikepak.

YEHEZKIEL 34:12

Susi misa’ to mangkambi’ untiro baanan dombana, ke dioi lu tangnga domba tisambo’-sambo’na, la susi dukaNa’ to untiro dombaKu sia urrampananni dio mai mintu’ inan, tu nanii tisambo’ male tonna allo massalebu’ sia mapittuk.

HOSEA 1:10

Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

LUKAS 15:8

Ba’tu baine umbara, ke unnampui suku sangpulo napa’de misa’, tang untutungi palita nasapui tu banua sia mukkun undaka’i sanaalanna?

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

YOHANES 1:12

Apa padami tau untarimaI, iamo Naben kuasa la mendadi anakNa Puang Matua, tu to ungkanappa’i tu sanganNa;

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

YOHANES 10:16

Den dukapa dio KaleKu tu domba senga’ tu tang lanna bontong domba iate; mintu’nato sipatu duka Kubaa, sia la narangi tu gamarangKu, anna sita’pa mendadi sangtuntunan, sia misamora to mangkambi’na.

YOHANES 12:32

IangKu dipakendekmo diong mai te lino, la Kupatilao nasang tu penaanna tau, anna sae lako Kaleku.

PENGGAURANNA RASULU’ 18:10

Belanna Aku urrondongko, na moi misa’ tau tae’ la umpata’paiko lima anna bala’-bala’ko; belanna buda taungKu lan te tondok iate.

ROMA 3:29

Ba’tu iatu Puang Matua Puangna mannaraka to Yahudi? Tang Puangna dukaraka to kapere’? Tonganna, Puangna dukato kapere’.

ROMA 4:17

susitu disura’ kumua: Kupabendanmoko napoambe’ buda bangsa – dio oloNa tu Puang napatongan Abraham, Iamotu Puang umpatuo to mate sia untambai manna apa tae’, anna denmo.

EFESUS 1:5

Tu diona pa’kaboro’Na anNa mangka ullampakki’ mendadi to Naanak tete dio Yesu Kristus, situru’ kamasorokanna pa’poraianNa,

EFESUS 3:11

situru’ tu tanan penaa Napogau’ lan Kristus Yesu, Puangta.

YAKOBUS 1:1

Salama’ dio mai aku, Yakobus, taunNa Puang Matua sia taunNa Puang Yesu Kristus, diparampo lako sangpulo dua sukunna bangsa to naala bilanganna to tisambo’.

1 PETRUS 1:1

Iate sura’ lu dio mai Petrus, rasulu’Na Yesu Kristus, diparampo lako mintu’ to ditonno’, iamoto naala bilanganna to tisambo’ mekaletteran utan dio lu Pontus sia Galatia sia Kapadokia sia Asia sia Bitinia,

1 YOHANES 2:2

sia Iamo dadi pemala’ usseroi mintu’ kasalanta, sia tangia kasalanta manna, sangadinna kasalanna duka mintu’ issinna lino.

1 YOHANES 3:1

Tiromi, tumbai kapuana tu pa’kaboro’ mangka Napa’kamasean Ambe’ lako kaleta, tapourungi disa’bu’ anakNa Puang Matua; susimoto tu diona kita. Iamo bannangna te, natae’ natandaiki’ te lino, belanna tae’ natandai tu Puang.

1 YOHANES 3:10

Dionamora te naniimo sombo umbanna tu anakNa Puang Matua na umbanna tu anakna deata bulituk; minda-minda tang umpogau’ kamalamburan, tae’ nalu dio mai Puang Matua, susi dukato tu to tang umpakaboro’ siulu’na.

1 YOHANES 3:2

E mintu’ pa’kaboro’ku, totemo te anakNaki’ Puang Matua, apa tae’pa nasombo la matumbai dadinta undinna. Apa takanassai, kumua iake dipasomboMi undinna, la susi dukamo tu a’ganta, belanna la tatiro susitu a’ganNa siamo.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.