YOHANES 10:3 - Sura' Madatu

³ Iate tau iate nabungkaran ba’ba to ma’kampa ba’ba, sia narangi domba tu gamaranna, natambai nasangi tu dombana siamo nasa’bu’ simisa’ sanganna, anna pasunni.

YOHANES 10:3 ပူးပေါင်းရင်းမြစ်များ

PA’PUDIAN 80:1

Lu lakona pangala sengo. Unturu’ baenan sengo bunga bakung. Kasa’bianna Asaf. Misa’ pa’pudian.

KATASSURAN 33:17

Ma’kadami tu PUANG lako Musa Nakua: Iate apa mupokada, la Kupogau’, belanna Kukaturu-turuiko sia Kutandai tonganko.

SARAMBU PEADA’ 27:23

Tiro meloi tu mintu’ bembe’mu sia palan penaai tu dombamu ma’ba- anan.

PA’TENDENG BALLO 8:13

– E iko tu untorroi pa’lak bunga iatu mintu’ sangmane la umperangii gamarammu, pa’perangiammi to lako kaleku.

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YOHANES 10:14

Akumo tu to mangkambi’ masokan; Kutandai tu mai pangkambi’Ku, sia natandai dukaNa’ tu pangkambi’Ku,

YOHANES 10:16

Den dukapa dio KaleKu tu domba senga’ tu tang lanna bontong domba iate; mintu’nato sipatu duka Kubaa, sia la narangi tu gamarangKu, anna sita’pa mendadi sangtuntunan, sia misamora to mangkambi’na.

YOHANES 10:4

Ianna mangkamo umpasun nasangi tu dombana, dolomi nasangundian tu domba urrundu’i, belanna natandai tu gamaranna.

YOHANES 10:9

Akumote tu ba’ba. Iake denni tau unnolaiNa’, iamo makarimman sia lu tama lu lan mai naungkabu’tui kande.

YOHANES 6:37

Mintu’na tu Napa’kamasean Ambe’Ku lako Kaleku, ia dukamo la sae lako Kaleku, sia iatu to sae lako Kaleku, tae’ angKu tumpu lenni.

YOHANES 6:45

Den disura’ lan sura’na nabi kumua: Mintu’na to tau iato la Naada’i Puang Matua. Na minda-minda tu urrangimi sia melada’ lako Ambe’, iamo sae lako Kaleku.

ROMA 8:30

Na iatu to Nalampak tempon dio mai, ia dukamo Natambai, sia iatu to Natambai, ia dukamo Nabilang malolo, sia iatu to Nabilang malolo, ia dukamo Napamala’bi’.

1 KORINTUS 16:9

Belanna dibungkarammo’ misa’ ba’ba kapua nanii katiakkaran penaa, sia buda bali dio.

FILIPI 4:3

Ontongpi kupalaku lako kalemu e sangayoka lambu’ku, tundui tu baine sola duai, tu kusiban umpangeai Kareba-kaparannuan sia Klemens duka, sia mintu’ solaku tu senga’na, tu disura’ sanganna lan sura’ katuoan.

KOLOSE 4:3

Ammi passambayangan dukakan, anNa bungkarangkan lalan Puang Matua la umpalolang Kareba-kaparannuan, angki pokadai tu rasianNa Kristus, tu kupobannang te dirante bassi.

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

1 YOHANES 4:6

Kita te lu dioki’ mai Puang Matua; sia iatu to untandai Puang Matua, iamo umperangiiki’; apa iatu to tae’ nalu dio mai Puang Matua, tae’ ia naperangiiki’. Susinnamoto tanii untandai tu penaa tongan sia penaa pusa.

3 YOHANES 1:14

Apa kurannuan la sitiroki’ madomi’ anta sipuduk sipa’kada.

KADA OMBO’ LAKO RASULU’ YOHANES 20:15

Sia iake den tau tae’ nadiappa’ tu sanganna disura’ lan sura’ katuoan, dipembuangan duka tama limbong api iato.

KADA OMBO’ LAKO RASULU’ YOHANES 3:20

Tiromi bendanNa’ dio to’ ba’ba angKu ma’dedek; iake narangii tau tu gamarangKu, anna bungkaranNa’ ba’ba, la tamaNa’ angKu kumande sola.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.