YOHANES 1:9 - Sura' Madatu

⁹ Iatu manassana arrang tu unnarrang mintu’ tau, mane sae tama lino.

YOHANES 1:9 ပူးပေါင်းရင်းမြစ်များ

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 8:20

Lako (manna) pepasan sia kada dipaombo’! Minda-minda tu ma’kada tang sipatu kada iato, tae’ anna la sitiro arrang melambi’.

MATIUS 6:23

Apa iake kadakei tu matammu, manassa malillin tu mintu’ kalemu. Iamoto, iake malillinni tu maserona dio kalemu tang padamo ia kapuanna tu kamalillinan iato!

LUKAS 11:36

Dadi iake mintu’i kalemu masero, natae’ bangmo sangmata malillin, manassa la masero nasang: susi ke naarrangko dukkunna palita.

YOHANES 1:4

Ia oto’na katuoan, anna iatu katuoan iamo arrangna tolino.

YOHANES 1:7

Iamo sae umpamanassai, la ungkatottongi tu diona arrang, kumua anna ma’patongan tu mintu’ tau belanna Ia.

YOHANES 12:46

Aku te saeNa’ tama lino butung misa’ arrang, kumua anna minda-minda umpatonganNa’ tae’ natorro lan malillinna.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

YOHANES 15:1

Akumote tu oto’ anggoro’ tongan, sia Ambe’Ku tu To ungkaduttu’i.

YOHANES 6:32

Nakuami Yesu ungkuanni tinde tau: Tonganna tongan Kukua mati’: Tangia Musa tu mangka umbenkomi tu roti dao mai suruga, sangadinna Ambe’Kuri tu umpa’kamaseanni lako kalemi tu roti tongan dao mai suruga.

YOHANES 7:12

Budami kadanna tau unnuleleanNi dio pa’budan tau; den tu tau kumua: To masokan Ia, nakuaomi tu pira’: Tae’, umpapusa ria to buda.

1 YOHANES 1:8

Iake ma’kadaki’ kumua tae’ kasalan dio kaleta, umpakena kalenaki’ kaleta sia tae’ kamanapparan dio kaleta.

1 YOHANES 2:8

Apa kusurasan dukakomi parenta ba’ru, iamotu apa tongan diona Kristus sia diona kamu, belanna iatu malillin lendu’mo sia iatu manassana masiang parrangmo.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.