YOËL 3:9 - Sura' Madatu

⁹ Petambanni te dio lu mintu’ bangsa. Pamaindanni tu rari, pake’de’i tu mintu’ to lalong; iatu mintu’ surodadu la ke’de’ male.

YOËL 3:9 ပူးပေါင်းရင်းမြစ်များ

PA’PUDIAN 96:10

Pokadai dio lu mintu’ bangsa, kumua: PUANG untoe kapayungan, iamoto anna bantang tu lino, naurunganni tang tibendon; Puang tang pakayun bimbang la umpaolai salu tu mintu’ bangsa.

YESAYA 34:1

E mintu’ bangsa, mengkareke’mokomi ma’perangi, e mintu’ to sangpetayanan tanannimi talinga; melo ke ma’perangii tu lino sola mintu’ issinna sia kuli’na padang sola mintu’ tu tuona diong mai.

YEREMIA 31:10

Perangii tu kadanNa PUANG, e mintu’ bangsa, patale’i lako mintu’ tondok dio biring tasik sia pokadai kumua: Iatu Puang, tu umpatisambo’ to Israel male, Ia dukamo la umpulungi sule sia urrinding pala’i susito misa’ to mangkambi’ ungkaritutui dombana ma’baanan.

YEREMIA 50:2

Patale’i dio lu mintu’ bangsa sia pa’peissananni, angka’i misa’ bandera sia pa’peissananni, da mibunii, sia pokadai kumua: Ditalomo tu Babel, sia kasirisanmo tu Bel sia kapussakan tu Merodakh; kasirisan tu rapang-rapang dipodeatanna, sia mintu’ deata megi’giranna.

YEREMIA 51:11

Asami tu tinaran, toemi tu balulang! PUANGmo umpatiakka’i tu penaanna mintu’ datu Media, belanna lanmo penaanNa Puang la ullaoi sia ussanggangi tu Babel; belanna iamote tu pa’bala’Na PUANG, iamotu pa’bala’Na diona banua kabusunganNa.

YEREMIA 51:27

Pabendanni tu bandera lan lino, pannonii tu napiri tanduk dio lu mintu’ bangsa! Tambai tu mai bangsa anna pamarimbangan kalena la ullaoi tu kota iato, sia arakki tu mintu’ kadatuan ullaoi, iamotu Ararat, Mini sia Askenas! Angka’i tu misa’ pangulu la urrarii; pesuammi sae tu ba’tu pira-pira darang susito batik ma’uyun!

YEREMIA 6:4

Menombaki’ tamane tama tananan ra’ la ullaoi tau iato mai: maikomi take’de’ tangnga allo! A’a umba nakua, makaroenmo, lando-landonamo tu bayo-bayo makaroen.

YEHEZKIEL 38:17

Inde sia tu kadanNa Puangta PUANG, Nakua: Tae’raka na iko, tu mangka Kupokada a’gammu dolona nalopian mintu’ taungKu, iamotu mai nabi Israel, tu ma’nubua’ allo iato ke taunoi, kumua la Kupasaeko ullaoi tau iato mai.

YEHEZKIEL 38:7

Ma’kamandi’ko sia ma’pasakka’ko, la iko sia iatu mintu’ to parari tu unturu’ko; iko la dadi pangulunna.

MIKHA 3:5

Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

HAGAI 2:7

Belanna inde sia tu kadanNa PUANGna mintu’ ma’dandan maritik, Nakua: Sattu’mora, tae’mora namasai, angKu patigega’i tu langi’ sia lino, tasik sia karangkeanna.

ZAKHARIA 14:2

Attu iato la Kurampun tu mintu’ bangsa urrarii Yerusalem; iatu mai kota la ditalo, iatu mai banua la dipangrampai sia iatu mai baine la diparuku digau’ sala. Sesena tu pa’tondokan la male dipali’, apa iatu torronapa tu to buda tae’ nala disabu’i lan mai kota iato.

ZAKHARIA 14:3

Attu iato la tassu’ tu PUANG, anNa sirari tu mintu’ bangsa iato susitu kapararianNa dolona, tonna allo kasirarian.