YOËL 3:8 - Sura' Madatu

⁸ La Kubaluk tu anakmi muane sia baine lako to Yehuda, na tau iato mai la umbalukki lako to Syeba; iamo tu misa’ bangsa mambela tondokna, belanna mangkamo Napokada PUANG.

YOËL 3:8 ပူးပေါင်းရင်းမြစ်များ

AYUB 1:15

pakalan saemi tu to Syeba ullaoi anna rampai; iatu mai taummi napatei pa’dang; aku mannamo tu tilendok sae la umpokadangkomi tu iannato.

PA’PUDIAN 72:10

Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

YEREMIA 30:16

Iamoto, mintu’ tu to unnampello’ko, la diampello’ sia mintu’ ualimmu la dirampa, iatu mintu’ to unnala toro apammu la diala toro duka apanna, sia mintu’ to umpangrampaiko la Kupopa’elo’na dipangrampai.

YEREMIA 6:20

Iamoto apara gai’na mibanNa’ tu dupa dio mai Syeba sia bangle mellong dio mai tondok mambela? Iatu pemala’ pantunu pu’pu’mi tang nakalo’ penaangKu sia iatu pemala’ pangrere’mi tang Kupopaiman.

YEHEZKIEL 23:42

Mongngo’mi tu to buda tae’ bangmo apa nakilalai, sia pa’malangoan, tu sae dio mai padang pangallaran sirau tau punala bang. Napaluangi komba tu limanna sia napasongko’i makota.

YEHEZKIEL 38:13

La nakuanko Syeba, Dedan sia to ma’balilinna sia to paana Tarsis, kumua: Saerokomika la mangrampa, mitambairaka tu mintu’ surodadummi la ussarrinni mintu’ apa, la unnala salaka sia bulaan, la unnappa’ patuoan sia barang apa, sia la mangrampa buda?

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?

TO PARENGNGE’ 2:14

attu iato ma’lulu-lulumi tu kasengkeanNa PUANG lako to Israel: Nasorongi tama limanna pangrampa tu tau iato mai tu umpangrampai, sia Nasorong tama kuasanna ualinna tiku lao, naurunganni tang naattamo mangea lako ualinna.

TO PARENGNGE’ 4:2

Iamoto Nasorongi PUANG tu tau iato mai tama kuasanna Yabin, datu to Kanaan, tu ma’parenta dio Hazor; na iatu kamandang lompona disanga Sisera, torro dio Haroset-Hagoyim.

TO PARENGNGE’ 4:9

Ma’kadami tu Debora nakua: Melo duka, ke maleki’ sola, apa iate lalan la muolai tae’ mupomala’bi’i, belanna tama kuasanna misa’ baine la Nanii PUANG ussorongi tu Sisera. Ta’kala ke’de’mi tu Debora, anna male sola Barak lako Kedesh.