YOËL 3:7 - Sura' Madatu

⁷ Manassa la Kupake’de’ tu tau iato dio mai minii umbalukki sia iatu pa’pakkanmi Kupasule langngan ulumi.

YOËL 3:7 ပူးပေါင်းရင်းမြစ်များ

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

YESAYA 11:12

La Naangkaran bate-bate tu mintu’ bangsa sia la Napasipulung sae tu mintu’ to Israel mangka diula’i male, sia la Napopa’misa sule dio mai tetuk a’pa’na lino tu mintu’ baine to Yehuda mangka dipatisambo’-sambo’.

YESAYA 49:12

Iate tau iate mai lu dio mai padang mambela, lu daa mai ulunna salu sia dio mai matampu’, na iatu senga’na to dio mai tondok Sinim.

YESAYA 66:6

Perangii, den ramba kapua lan mai kota! Tu lu lan mai Banua Kabusungan! Iamotu gamaranNa PUANG tu umpabala’i penggauranna mintu’ ualinNa.

YEREMIA 23:8

sangadinna la lelukraka tuoNa PUANG tu ussolan sia umpasaei tu bati’na to Israel daa mai tondok daa ulunna salu sia lan mai mintu’ tondok, tu diniimo unnula’i male; sia iatu tau iato mai la torro dio padangna kalena.

YEREMIA 30:10

Iamoto da mumataku’, e Yakub taungKu, kadanNa PUANG, da mutiramban, e Israel, belanna tonganna la Kurampanangko lan mai tondok mambela sia mintu’ bati’mu lan mai tondok dinii male umpali’ko; la sulemo tu Yakub anna rapa’ sia torro marampa’, na moi misa’ tau tae’ umpatirambanni.

YEREMIA 30:16

Iamoto, mintu’ tu to unnampello’ko, la diampello’ sia mintu’ ualimmu la dirampa, iatu mintu’ to unnala toro apammu la diala toro duka apanna, sia mintu’ to umpangrampaiko la Kupopa’elo’na dipangrampai.

YEREMIA 31:8

Manassa la Kusolan tu tau iato mai lan mai tondok daa ulunna salu sia Kurampun dio mai mintu’ biring langi’; dio lu tau iato mai den to buta sia to kupi’, to ma’tambuk sia to kianak; iamo misa’ kasirampunan kapua tu sangke’deran la sule dio mai.

YEREMIA 32:37

Manassa la Kupulung tu tau iato mai lan mai mintu’ tondok, tu Kunii urrambai male tete dio kasengkeangKu sia kare’dekangKu sia kamagi’giran kapuaKu, sia Aku la umpasulei lako inan iate sia la umpatorro marampa’i.

YEHEZKIEL 36:24

La Kualakomi dio mai mintu’ bangsa sia la Kupasipulungkomi lan mai mintu’ tondok, angKu baakomi tama tondokmi.

YEHEZKIEL 38:8

Iake lendu’mi ba’tu sangapa-apa attu, maneroko dipokadan parenta; iake nalambi’mi tu taun la sae, la ke’de’moko ullaoi tu tondok iato, tu mangka dipasule dio mai kasirarian, iamotu misa’ bangsa, tu mangka dipasipulung dio mai mintu’ bangsa dao buntunna Israel, tu masaimo mempadang talo, apa disolammo sun dio mai mintu’ bangsa; anna torro marampa’ sola nasang.

YOËL 3:4

Sia la siapariKi’, e Tirus sia Sidon sia mintu’ tondok lan lili’na tondok Filistin? La ma’papakkannirokomika lako Kaleku? Apa iake denni la mipapakkanni lako Kaleku, madoi’-doi’ duka la Kupasule tu pa’pakkan langngan ulummi.

ZAKHARIA 9:13

Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.

MATIUS 7:2

Belanna iatu mininna ma’pasala, ia pole’ la dinii umpasalakomi, sia iatu sukaran mipassukaran tau, ia duka la dipassukarangkomi.

2 TESALONIKA 1:6

Apa Nasanga Puang Matua malambu’ ke dipabala’i kadipakario-rioan lako tu to umpakario-riokomi,

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

KADA OMBO’ LAKO RASULU’ YOHANES 13:10

Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.

1 SAMUEL 15:33

Nakuami Samuel: Susitu pa’dangmu umpasisayuran anak ba’tu pira-pira baine, susi dukamoto tu indo’mu la dipasisayuran anak dio lu mintu’na baine. Napateimi Samuel tu Agag, nata’tak-ta’takki dio oloNa PUANG dio Gilgal.