YOËL 3:5 - Sura' Madatu

⁵ Belanna miala tu salakaKu sia bulaanKu sia mibaa tu ianan keangga’Ku tama banua pa’deatammi.

YOËL 3:5 ပူးပေါင်းရင်းမြစ်များ

2 DATU 12:18

Naalami Yoas, datu to Yehuda, tu mintu’ pamengan dipamaindan, tu napamaindan Yosafat, Yoram sola Ahazia, ambe’na, iamo datu to Yehuda, susi dukato tu mintu’ pamengan napamaindan kalena sia mintu’ bulaan tu lan inan pangnannanna banuanNa PUANG sia apa lan tongkonan layuk, anna pakatui lako Hazael, datu to Aram. Tibalikmi sule tu Hazael dio mai lalan lu lako Yerusalem.

2 DATU 16:8

Naalami Ahas tu bulaan sia salaka tu lan banuanNa PUANG sia lan mai bilik pangnannan tongkonan layuk, anna pa’peai butung pamengan lako datu Asyur.

2 DATU 24:13

Naalaimi inde to dio mai tu mintu’ pareanan lan banuanNa PUANG sia lan tongkonan layuk; sia nata’takki tu bulaan dio mai mintu’ pareanan tu nagaragai Salomo, datu to Israel, lan banua kabusunganNa PUANG, susi kadanNa PUANG.

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

YEREMIA 23:7

Iamoto, manassa la sae tu allona, kadanNa PUANG, ke tae’mi nakuai tau: La lelukraka tuoNa PUANG tu ussolan to Israel lan mai tondok Mesir,

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

YEREMIA 51:11

Asami tu tinaran, toemi tu balulang! PUANGmo umpatiakka’i tu penaanna mintu’ datu Media, belanna lanmo penaanNa Puang la ullaoi sia ussanggangi tu Babel; belanna iamote tu pa’bala’Na PUANG, iamotu pa’bala’Na diona banua kabusunganNa.

YEHEZKIEL 37:12

Iamoto, ma’nubua’ko ammu ma’kada lako tau iato mai kumua: Inde sia tu kadanNa Puangta PUANG, Nakua: Manassa la Kubungka’ tu mintu’ panglamunammi sia la Kupakendekkomi lan mai panglamunammi, e taungKu, angKu solangkomi lako tondok Israel.

DANIEL 11:38

Apa naposondana deata iato mai la napenombai, iamo deata tambakuku, tu deata tae’ natandai nene’ to dolona la napenombai umpennoloan bulaan, salaka, parimata sia ma’rupa-rupa ianan masuli’.

OBAJA 1:17

Apa dao buntu Sion la den katilendokan, sia iamo la dadi inan maindan; na iatu bati’na Yakub la umpoapa pole’i sule tu apanna.