YOËL 3:4 - Sura' Madatu

⁴ Sia la siapariKi’, e Tirus sia Sidon sia mintu’ tondok lan lili’na tondok Filistin? La ma’papakkannirokomika lako Kaleku? Apa iake denni la mipapakkanni lako Kaleku, madoi’-doi’ duka la Kupasule tu pa’pakkan langngan ulummi.

YOËL 3:4 ပူးပေါင်းရင်းမြစ်များ

2 OSSORANNA DATU 21:16

Napatiakka’mi PUANG tu to Filistin sia to Arab, tu torro dio sa’dena to Kusyi la urrarii Yoram,

YESAYA 14:29

Da misende paiman, e mintu’ pa’tondokan Filistea, belanna iatu pebambana to umbambakomi le’tomo, belanna la bu’tu dio mai ula’ tu misa’ ula’ rame, na iatu buanna iamo misa’ naga mettia’.

YESAYA 34:8

Belanna Naparampomo PUANG tu attu pa’pabala’ sia taun pa’pakkan la urra’ta’ kara-karana Sion.

YESAYA 59:18

La Napapakkanni sitinaya penggauranna: iamotu kamare’dekan lako to umbali-balii, sia pepakkan lako ualinNa; iatu mai ma’biring tasikna la Napabala’i.

YEREMIA 47:1

Inde sia tu kada sae lako nabi Yeremia, iamotu kadanNa PUANG diona to Filistin, tonna tae’pa nataloi Firaun tu tondok Gaza.

YEREMIA 47:4

ke saemi tu allo kadisangganganna mintu’ to Filistin sia iake disabu’i tu mintu’ to la untundui Tirus sola Sidon, tu torronapa; belanna PUANG la umpisanni tu to Filistin, iamotu to torropa dio lebukan Kaftor.

YEREMIA 51:6

Mallaikomi lan mai Babel, pantan la umpallaiangkomi katuoammi; da misanggang, ke naukungi Puang tu kakadakeanna, belanna attu iamote tu pa’bala’Na PUANG, la Nanii umbenni poleanna sitinaya penggauranna.

YOËL 2:10

Dio tingayona tigega’ tu lino sia gumalugu tu mintu’ langi’: iatu mata allo sia bulan napamalotong sia mintu’ bintoen tae’ napasombo arrangna.

YOËL 2:2

Iamotu misa’ allo kamalillinan sia kapi’tukan, misa’ allo saleburan sia lillinan parrak. Susi arrang allo berre’ ussamboi mintu’ buntu, susi dukamo to tu misa’ bangsa makamban sia mawatang. Tae’ lenpa susinna tempon dio mai sia tae’ dukamo nala den, ke attu undi sae lako osso’ situran-turan.

MATIUS 11:21

Upu’ allomu, E Khorazim! Sumpu sumandakmu, e Betsaida! Belanna iakenna susinna nalan Tirus na Sidon nanni dadi tu mintu’na tanda mangnga mangka dadi lan lili’mi, tae’ natang masaimo ia namangka mengkatoba’ naumpembungku’ karoro’ sia au.

MATIUS 11:22

Apa Kukua mati’: iake allo kadiparessan la maringan ia parri’na Tirus na Sidon na iatu parri’mi.

LUKAS 10:13

Upu’ allomu, e Khorazim, sumpu sumandakmu, e Betsaida, belanna iakenna susinna nalan Tirus na Sidon dinii umpadenni tu tanda mangnga, mangka dipadenangkomi, manassa masaimo namangka mengkatoba’ sia unno’ko’ umpembungku’ karoro’ sia au.

LUKAS 10:14

Apa iake allo kadiparessan, parri’na tondok Tirus na Sidon la maringngan na iatu parri’mi.

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

PENGGAURANNA RASULU’ 9:4

Songkami rokko padang, anna rangii tu gamara umpa’kadai kumua: E Saulus, Saulus, ma’apari mupakario-rioNa’?

PA’TOLE 32:35

Aku puangna tu pa’pabala’ sia pa’papakkan, iake la attunnami tilende’ tu lette’na, belanna iatu allo kasangganganna mandappi’mo, sia madomi’mo mengkareke’ tu apa dipamanassanni.

2 TESALONIKA 1:6

Apa Nasanga Puang Matua malambu’ ke dipabala’i kadipakario-rioan lako tu to umpakario-riokomi,

TO PARENGNGE’ 11:12

Nasuami Yefta tu ba’tu pira-pira pesua, lako datu to Amon mekutana: Apara tu tasikara-karai ammi saera ullaoina’ sia urrarii tondokku?