YOËL 3:2 - Sura' Madatu

² la Kurampun tu mintu’ bangsa, angKu solanni rokko lombok Yosafat, na inde to diong la Kunii urra’ta’i tu ukunganna tau iato mai belanna taungKu sia taa mana’Ku, iamo tu Israel, tu napatitale’ tau iato mai dio lu mintu’ bangsa, tonna taa-taai tu padangKu.

YOËL 3:2 ပူးပေါင်းရင်းမြစ်များ

2 OSSORANNA DATU 20:26

Iatonna allo ma’penna’pa’mo sirampunmi tu tau iato mai diong Lombok Pa’pudi-pudian; dio tu nanii tau umpudi PUANG, iamoto nadisangai tu inan iato Lombok Pa’pudi-pudian sae lako allo iate.

YESAYA 66:16

Belanna api sia pa’dangna la Napaolanni PUANG salunna tu mintu’ ma’rupa tolino, sia la buda liu tu tau Napatei PUANG.

YESAYA 66:18

Belanna Ku (tandaimo) tu penggauranna sia tangnga’na tu tau iato mai; la rampo (tu attu) dinii umpasipulungi tu mintu’ bangsa sia mintu’ basa; anna tiroi tau iato mai tu kamala’birangKu.

YEREMIA 12:14

Inde sia tu kadanNa PUANG, Nakua: Iatu mintu’ to kadake tu nasikandappiran Yehuda, tu ullaoi mana’ Kukamasean taungKu Israel, la Kusintak lan mai tondokna, sia iatu mintu’ to Yehuda la Kusintak lan mai tangngana tau iato mai.

YEREMIA 25:31

Rorakmo lako randan langi’ tu ongngo’na tananan ra’, belanna PUANG untoe kara-karana mintu’ bangsa sia umpaolai salu mintu’ tolino; sia ussorongi tu to tang mekaaluk lako kandean pa’dang, kadanNa PUANG.

YEREMIA 49:1

Diona to Amon. Nakua kadanNa PUANG: Tae’raka anakna tu to Israel, tae’raka to ma’mana’na? Ma’apai anna alai Milkom tu Gad la napomana’ sia iatu mintu’ taunna male umpa’tondokki kotana Gad?

YEREMIA 50:17

Iatu Israel butung to misa’ domba dipakasingkiran, tu naula’ ba’tu pira-pira singa. Pamulanna naampello’ datu Asyur, ma’katampakanna totemo iatu bukunna nale’to-le’to Nebukadnezar, datu Babel.

YEHEZKIEL 25:8

Inde sia tu kadanNa Puangta PUANG, Nakua: Belanna ma’kadamo tu Moab sola Seir kumua: Manassa iatu to Yehuda susi bangsia tu mai bangsa senga’,

YEHEZKIEL 34:6

Iatu mai dombaku pusa dao lu mintu’ buntu sia dao lu mintu’ tanete madao; sia tisambo’-sambo’ tu mai dombaku dao te kuli’na padang, na moi misa’ tau tae’ bang umpoinaai, ba’tu undaka’i.

YEHEZKIEL 35:10

Belanna ma’kadako mukua: Iatu bangsa da’dua sola tu tondok da’dua la kupoapa; la taala tapomana’i – moi anna tempon dio mai dio tu PUANG –

YEHEZKIEL 36:1

E ma’rupa tau, ma’nubua’ko diona mintu’ buntunna Israel, kumua: E buntunna Israel, perangii tu kadanNa PUANG.

YEHEZKIEL 36:5

Iamoto, inde sia tu kadanNa Puangta PUANG Nakua: Tonganna mangkaMo’ ma’kada situang api kapangimburuangKu la unnukungi tu bangsa torrona sia mintu’ Edom, tu umpamanassai la unnalai napomana’ tu tondokKu situang kasendean kapuana sia katangpabilangan kapuana, kumua nasarrinni.

YEHEZKIEL 38:22

Sia la Kuukung Kuparampoi ra’ba biang sia to’doan rara; la Kupauranni uran kamban, uran batu, api sia solo’ tu tau iato sola mintu’ surodadunna sia iatu bangsa buda nasolan.

YEHEZKIEL 39:11

Attu iato la Kuben misa’ inan tu Gog, tu la nanii panglamunanna dio Israel: iamotu Lombok to lendu’, dio rampe matallona tasik; anna ampangi tu lalanna to lendu’. Inde to dio la nanii tau ullamunni tu Gog sola mintu’ to budanna, anna sangai tau: Lombok to budanna Gog.

YOËL 3:12

La ke’de’ tu mintu’ bangsa sia male rokko lombok Yosafat, belanna inde to diong la Kunii unnisung la urra’ta’i ukunganna tu mintu’ bangsa tiku lao.

YOËL 3:14

Ma’tombon-tombon tu tau diong lombok pangra’tasan ukungan, belanna mandappi’mo tu alloNa PUANG diong lombok pangra’tasan ukungan.

AMOS 1:11

Inde sia tu kadanNa PUANG, Nakua: Belanna tallu tu kapatodo-tintinganna Edom, ondongpi belanna a’pa’, iamoto natae’ Kula undampai to. Belanna naula’imo pa’dang lao tu siulu’na sia napa’deimo tu kamamaseanna, sia tete dio kasengkeanna, anna ma’kase’bu-se’bu bang sia unnanna bang kare’dekan ara’na,

MIKHA 4:12

Apa tae’ natandai tau iato mai tu tangnga’Na PUANG sia pa’timbanganNa, kumua la Narampun susi patuku gandung dao panglulluran.

ZEFANYA 3:8

Iamoto, tayanNa’, kadanNa PUANG, to allo la Kunii ke’de’ unnala pangrampa; belanna mangkamo Kura’ta’ la urrampunni tu bangsa sia umpulungi tu kadatuan, sia umbarrakanni tu kare’dekan ara’Ku lako tau iato mai, iamotu mintu’ kasengkean dukkungKu, belanna api kamangimburuangKu la umpurai nakande tu mintu’ kuli’na padang.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

KADA OMBO’ LAKO RASULU’ YOHANES 16:16

Narampunmi penaa deata masussuk tu mintu’ datu lino sirampun dio misa’ inan tu disanga lan basa Ibrani: Harmagedon.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

KADA OMBO’ LAKO RASULU’ YOHANES 20:8

nasun la umpapusa mintu’ bangsa lan a’pa’ sulapa’na lino, tu Gog sia Magog, kumua anna rampunni tu tau iato mai la parari, na iatu budanna susi karangan diong biring tasik.