YOËL 2:5 - Sura' Madatu

⁵ Mengkondong-kondong dao lu botto buntu susi kareta magaluntu’-luntu’, susito api sikane’tekan ungkande dalame, susito misa’ bangsa mawatang ma’pampang la parari.

YOËL 2:5 ပူးပေါင်းရင်းမြစ်များ

AYUB 39:20

Belanna Puang Matua umpadapan kakinaan burung unta sia tae’ Napaketaai patiro penaa.

KATASSURAN 5:12

Sisarak-sarakmi tu to buda lan lu mintu’ tondok Mesir la urrampun dalame la dita’tak-ta’tak.

YESAYA 30:30

Attu iato la umpa’perangian gamara mandu mala’bi’Na tu PUANG sia umpa’pekitanan takia’Na tu songlo’ situang kasengkean ma’lulu-lulunNa, sia dukku api ma’kande pu’pu’, sola uai saba’ sia angin bara’ sia uran batu.

YESAYA 5:24

Iamoto, susitu api mendelok unnimbakan dalame sia susi ria ditombon napopennau api, susi dukamoto tu aka’na tau iato mai la buruk sia iatu ta’binna la sisarombonan susi barra’-barra’, belanna naboko’imo tu Sukaran alukNa PUANGna mintu’ ma’dandan maritik sia nabelle’i tu kadanNa To maserona to Israel.

YEREMIA 50:42

Tau iato mai untangke pana sia doke; masuang sia tang untandai kamamasean. Iatu ongngo’na mariak susi tasik sia pakkanarang; sia sakka’mo parari la ullaoiko, e anak dara Babel.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

KADA OMBO’ LAKO RASULU’ YOHANES 9:9

Sia dadanna susi bayu bassi, na oni pani’na susi oni kareta naturu’ darang ma’baanan sigalunturan la parari.