YOËL 2:3 - Sura' Madatu

³ Dio tingayona den tu misa’ api tontong ma’kande, nadio boko’na tu dukku api ma’pamampu’; iatu padang dio tingayona susi pa’lak Eden, sia dio boko’na padang lo’bang sanggang; moi misa’ duka apa tae’ natilendok dio mai kalena.

YOËL 2:3 ပူးပေါင်းရင်းမြစ်များ

KADADIAN 13:10

Nabangunammi Lot tu matanna, natiroi tu mintu’ lili’na Yordan, narumpei nasang salu iato sae lako Zoar – tonna tang ussanggangpi PUANG tu tondok Sodom na Gomora –, iamo butung pa’lak PUANG sia butung to tana Mesir.

KADADIAN 2:8

Nagaragaomi PUANG Kapenomban tu Pa’lak dio Eden, dio rampe matallo, indemoto Napannianni tu tolino mangka Nakombong.

PA’PUDIAN 50:3

Iatu Kapenombanta la sae tae’ nala ma’pakappa, dio oloNa den api la ma’pamampu’, sia naguririkkI angin bara’.

PA’PUDIAN 97:3

Iatu api mellepa’ dio oloNa Puang. Umpamampu’ mintu’ ualinNa tiku lao.

KATASSURAN 10:15

Batik iato ussitutu’imo mintu’ padang, naurungan pi’tuk tu tondok; na iatu mintu’ tananan dio lu padang sia mintu’ bua kayu tu nara’dakna siapa uran batu, tappu’ nasang nakande batik; na iatu malunanna dio lu kayu sia dio lu mintu’ tananan lan nalili’ tondok Mesir tae’ bangmo narantang.

KATASSURAN 10:5

Batik iamoto la ussitutu’i te padang iate, naurunganni tae’mo paan tu padang; iamo la umpepurai nakande tu mintu’ tananan, tu torronapa, tu denna siapa, nara’dakangkomi uran batu, sia iamo la umpepurai nakande tu kayu tuo dio lu padangmi.

YESAYA 14:17

Tu umpopempadang aak lino sia ussanggang mintu’ tondokna, tae’ anna rampananni tu to dirampa sule lako banuanna.

YESAYA 15:6

Mempadang lo’bangmo tu randananna salu Nimrim, belanna mampu’ nasangmo tu riunna, sia malayu tu mai tananan, tae’ bangmo mamata.

YESAYA 33:4

Sia attu iato la napula’ikomi tau tu pangrampami, susi nango ussabu’i bura padang sia susi batik mangrapai, susi dukato la narapai tau.

YESAYA 51:3

Belanna la Napakatana PUANG tu Sion sia la Napakatana tu mai kota daun lauanna; la Napopembali susi Eden tu padang aakna sia iatu pangala’-ala’na Napasangtinti pa’lakNa PUANG; la ponno kaparannuan sia kasendean lan, sia pa’pudi-pudian sia nanian.

YESAYA 9:18

Tu belanna kare’dekanna ara’Na PUANGna mintu’ ma’dandan maritik anna kandei api tu tana iato, anna potaai api tu pa’tondokan naurunganni tae’mo nakatirinnai siulu’na tu tau.

YESAYA 9:19

Dio rampe kanan ma’karu’bek tu tau, apa topo sia, na dio kairi mangampello’ tu tau, apa tae’ sia anna dia’; pantan la ungkande bale-bale takia’na.

YEREMIA 5:17

Bangsa iamoto la umpurai nakande tu bura padangmu sia rotimmu, sia la ummangsanni tu mai anakmu muane sia baine, sia la umpurai nakande tu mintu’ dombamu sia sapimmu sia ia duka la umpurai nakande tu bua anggoro’mu sia bua ara sia ia duka la ussanggangi pa’dang tu mintu’ tondok ditambakukummu tu murannuan.

YEHEZKIEL 36:35

Sia la ma’kada tu tau, nakua: Iate tondok iate tu talomo, susimo pa’lak Eden; iatu mintu’ kota tu disanggang sia diro’pok sia daun-lauan, dipamatoto’mo sule sia dipa’tondokki.

AMOS 7:4

Susite tu apa Napatiroanna’ Puangta PUANG: Manassa untambai api la umpalalo ukungan. Api iato napamarangke tu uai kapua sia la nakande duka tu pa’pa’lakan.

HABAKUK 1:6

Belanna tonganna iatu to Kasdim Kupabendan, misa’ bangsa masa’ga’ sia malinta’, tu lumingka unnoloi lua’na lino, la unnala inan katorroanna tau la napoapa, tu tangia apanna.

ZAKHARIA 7:14

Iamoto la Kupamurru’i tu tau iato mai susi angin bara’ lako ma’rupa-rupa bangsa, tu tae’ natandai, sia la disanggang tu tondok naboko’i, naurunganni moi misa’ tau tae’mo lu lako lu dio mai lan tondok iato. Susimoto tu tau iato mai umpopempadang lo’bangi tu tondok maballo.