YOËL 2:2 - Sura' Madatu

² Iamotu misa’ allo kamalillinan sia kapi’tukan, misa’ allo saleburan sia lillinan parrak. Susi arrang allo berre’ ussamboi mintu’ buntu, susi dukamo to tu misa’ bangsa makamban sia mawatang. Tae’ lenpa susinna tempon dio mai sia tae’ dukamo nala den, ke attu undi sae lako osso’ situran-turan.

YOËL 2:2 ပူးပေါင်းရင်းမြစ်များ

PA’PUDIAN 10:6

Ma’kadami lan penaanna, nakua: Tae’ angku la tibendon len, sia tae’ anna rua lenna’ kasanggangan lako osso’ sipapa’ku.

PA’PUDIAN 97:2

Iatu gaun sia kamalillinan untikui lao, sia kamaloloan sia katonganan napoparandangan isungan kapayunganNa.

KATASSURAN 10:14

Kendekmi tu batik dio lu tondok Mesir, nasitutu’i tu mintu’ lili’na, lendu’ budanna; tu dolona tae’ bangpa batik buda susito, sia undinna tae’ duka la susito.

KATASSURAN 10:6

Batik iamoto la ussamboi tu tongkonan layukmu sia banuanna mintu’ to mase’ponmu sia mintu’ banuanna to Mesir; iatu iannato tae’ bangpa natiroi ambe’mu ba’tu nene’ to dolomu dio mai randukna tau iato mai lolang lan lino sae lako allo iate. Memboko’mi tu Musa, anna sere dio mai olona Firaun.

KATASSURAN 20:21

Iatu to buda toyang bendan, apa iatu Musa umpentireke’i gaun malillin, tu Naninna Puang Matua.

YESAYA 5:30

La narua angnga’ tu tau iato mai susito mongngo’na tasik; allo iato pittuk liu tu padang, iake mentiroi tu tau tiku lao kuli’na padang, kapittukan megiangan manna nata’pai matanna sia iatu arrang langi’ napapittuk saliu’.

YESAYA 8:22

ba’tu tukkui rokko padang, inang parri’ sia pittuk duka, kapittukan megi- angan, sia napatiramban len kama- lillinan.

YEREMIA 13:16

Pangke’mi tu PUANG, Kapenombammi, ke tae’pi Napadadii tu pi’tuk, ke tae’pi mititodo lako buntu ke kasisalan taui bongi, sia urrannuangkomi masiang, apa iatu iannato Napopendadi lillinan parrak, sia Napopembali kapi’tukan.

YEREMIA 13:6

Iatonna masai allomu lendu’na, saemi kadanNa PUANG lako kaleku, Nakua: Ke’de’ko mumale lako Efrat, ammu alai dio mai tu salipi’ tu Kusuako umbunii dio.

BATING 1:12

Tae’raka, misa’dingi, e kamu mintu’ to lendu’? Pemarangai sia tiroi, ke la denni misa’ pa’di’ susi pa’di’, tu diparampoanna’, tu urruana’ tonNa parampoina’ PUANG kamandasan, tonna allo kare’dekanna ara’Na.

YEHEZKIEL 32:7

Iake Kupamurru’iko, Kusamboi tu langi’ sia Kupamalillin tu mintu’ bintoen. Iatu mataallo Kuparerungi gaun, sia iatu bulan tae’ naparrang.

YEHEZKIEL 34:12

Susi misa’ to mangkambi’ untiro baanan dombana, ke dioi lu tangnga domba tisambo’-sambo’na, la susi dukaNa’ to untiro dombaKu sia urrampananni dio mai mintu’ inan, tu nanii tisambo’ male tonna allo massalebu’ sia mapittuk.

YEHEZKIEL 38:9

Iatonna attu iato la ke’de’ko susi misa’ guntu’ mane la sae; la susiko gaun tu untutu’i kuli’na padang, la iko sola mintu’ sorodadummu sia buda bangsa, tu musisolan.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

DANIEL 9:12

Napalanda’mo tu mintu’ kadanNa, tu mangka Napokada diona kami sia diona mintu’ to ma’parentaki, tu umparentakan, belanna Naparampoikan kasanggangan lendu’ kapuana, susitu tae’ bangpa nadadi lan mintu’ nasambo langi’, sangadinna lan manna Yerusalem.

YOËL 1:6

Belanna ke’de’mo male tu misa’ bangsa la ullaoi tu padangKu, misa’ bangsa matoto’ sia tang dikemba’ budanna; iatu isinna susi isi singa sia iatu torana susi tora singa birang.

YOËL 2:25

La Kubenkomi tu sondana bura padang lan mintu’ taun, nanii umpurai tu mintu’na nakande batik pa’kande, tu batik pa’ampello’, batik pa’kasopu sia batik pa’benga’, iamo tu surodadu kambanKu tu Kupasae lako kalemi.

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

YOËL 2:5

Mengkondong-kondong dao lu botto buntu susi kareta magaluntu’-luntu’, susito api sikane’tekan ungkande dalame, susito misa’ bangsa mawatang ma’pampang la parari.

YOËL 3:4

Sia la siapariKi’, e Tirus sia Sidon sia mintu’ tondok lan lili’na tondok Filistin? La ma’papakkannirokomika lako Kaleku? Apa iake denni la mipapakkanni lako Kaleku, madoi’-doi’ duka la Kupasule tu pa’pakkan langngan ulummi.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.

ZAKHARIA 14:6

Allo iate tae’mo nala den arrang mala’bi’ sia iatu uai tae’mo namakko;

MATIUS 24:21

Belanna attu iato la bu’tu tu ma’iringanna kadipakario-rioan; iatu susinna to tae’ bangpa nadadi len tempon dio mai pamulanna lino sae lako te totemo, sia tae’ dukamo nala dadi len.

MARKUS 13:19

belanna mintu’na allo iato la nanii bu’tu kadipakario-rioan, iatu susinnato tae’ bangpa nadadi len tempon dio mai tipamulanna mintu’na angge maritik tu Napadadinna Puang Matua sae lako te totemo, sia tae’ dukamo nala dadi len.

PA’TOLE 32:7

Kilalai tu attu lendu’mo ingaranni tu taun pura disiosso’i; pekutananni lako ambe’mu, anna ia umpaissanniko, sia to matua-tuammu, anna ia umpokadangko.

IBRANI 12:18

Belanna tangia kumua rampo lu lakomokomi api ma’din dirumbu sia dukku, sia lako kamapittukan sia kamalillinan, sia angin bara’,

YUDAS 1:13

susi bombang kapua lan tasik umpemburrusan kalena siri’na; susi bintoen tilele-lele; tau iato mai tiparandanmo kamapattangan lako kalena tontong sae lakona.

KADA OMBO’ LAKO RASULU’ YOHANES 9:2

Nabungka’mi tu garonggong posi’ tana lambe’, nasun rambu lan mai posi’ tana lambe’ iato, susi rambu dio mai panglallangan, naurunganni tu mata allo sia langi’ malillin napobua’ rambu posi’ tana lambe’ iato.