YOËL 2:12 - Sura' Madatu

¹² Apa moi totemo den dukapa tu kadanNa PUANG, Nakua: Palantuk tonganni tu penaammi mengkatoba’ lako Kaleku situang ma’puasa sia tumangi’ sia umbating.

YOËL 2:12 ပူးပေါင်းရင်းမြစ်များ

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

2 OSSORANNA DATU 30:6

Malemi tu pebaa sura’ malinta’ umbaa sura’na datu sia mintu’ pangulunna umpasilamban-lamban Israel sia Yehuda sia ma’kada susi pepasanna datu nakua: E kamu mintu’ to Israel, tibalikmokomi sule lako PUANG. Kapenombanna Abraham, Ishak, sia Israel, anNa tibalik duka sule lako to torrona siapa, tu tilendok dio mai kuasanna to Asyur.

2 OSSORANNA DATU 6:27

attu iato la Miperangii lan mai suruga sia la Mipa’dei tu kasalanna taumMi sia taumMi to Israel – belanna Mipatudu diona lalan melo tu tau iato mai, tu sipatu la naolai – sia Mipasaean uran tu padangMi, tu mangka Mikamasean taumMi la napomana’.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

KATASSURAN 33:5

Ma’kadami tu PUANG lako Musa Nakua: Pokadanni to Israel kumua: kamumo misa’ bangsa makarra’ penaammi. Moi angKu sattu’ri ke’de’ ussisolangkomi, manassa la Kusabu’ikomi. Iamoto alai tu mintu’ belomi, angKu issanni apa tu sipatu la Kupogau’ lako kalemi.

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

YESAYA 58:4

Manassa ma’puasakomi la sigaga sia site’ge’ sia sengkekomi ammi sitambusuk; iatu puasa mipogau’ totemo tae’ nakullei umparampo pengkamoyami langngan inan matande.

YEREMIA 3:22

La mengkatoba’komi, e mintu’ anak pabali-bali, angKu popa’runduanangkomi sule dio lu kapusammi. Tonganna indemokanni, saekanni lako Kalemi, belanna Kamumo PUANG, Kapenombangki.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 4:1

Iake la mengkatoba’ko e Israel, kadanNa PUANG, ma’dinko sule lako Kaleku sia ia ke mutibei tu apa megallian dio mai pentiroKu, manassa tae’mo mula mallai,

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

DANIEL 9:3

Mentingaramo’ langngan Puang Kapenomban la massambayang sia mengkamoya angku ma’puasa sia ma’karoro’ sia undudung barra’-barra’.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

HOSEA 12:7

Iamoto tibalikmoko sule lako Kapenombammu, karitutui tu kamasokanan sia katonganan sia tontongko ma’rannuan lako Kapenombammu.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

YOËL 1:13

Ma’tambeke’komi sia unnurrukkomi, e kamu mintu’ to minaa; sumarrokomi e mintu’ to untoe pentoean dio inan pemalaran; maikomi ammi ma’bongi ma’pote dibolong, e kamu to untoe pentoeanna Kapenombangku, belanna iatu kande dipemalaran sia pemala’ pantedok dipatoyang dio mai banuanNa Kapenombammi.

ZAKHARIA 7:3

sia la mekutana lako tu mai to minaa, tu dio banuanNa PUANGna mintu’ ma’dandan maritik, sia lako mintu’ nabi, nakua: Sipatura’ka la tumangi’ sia ma’puasa lan bulan ma’pellima, susitu kipogau’ ba’tu pirang-pirang taunmo lendu’na?

ZAKHARIA 7:5

Pokadai lako mintu’ tau lan lu tondok sia lako mintu’ to minaa, kumua: Iammi ma’puasa sia umbating lan bulan ma’pellima sia bulan ma’pempitu lan pitungpulomo taun lendu’na, tonganrokomika ma’puasa belanna Aku?

MALEAKHI 1:9

Iamoto, pamalinomi tu penaaNa Puang Matua, anNa katuru-turuiki’! Denmo tu gau’mi susito. Umbanii apa Na la matana untirokomi moi misa’ duka! kadanNa PUANGna mintu’ ma’dandan maritik.

PENGGAURANNA RASULU’ 26:20

sangadinna kupa’peissanan dolo, nala lako to dio Damsyik, nala dio Yerusalem sia dio mintu’ tana Yehuda, susi duka lako to kapere’, kumua anna mengkatoba’ sia sule lako Puang Matua anna umpogau’ penggauran sitinaya katobaran.

TO PARENGNGE’ 2:4

Iatonna mangkamo tu Malaeka’Na PUANG ma’kada susito lako mintu’ to Israel, randukmi tu bangsa iato unnurruk-urruk tumangi’.

TO PARENGNGE’ 20:26

Mangkato malemi tu mintu’ to Israel, iamotu mintu’ bangsa, anna rampo lako Betel; torromi inde to dio anna tumangi’ dio oloNa PUANG, nama’puasa allo iato sae lako makaroenna sia umpemalaran pemala’ ditunu pu’pu’ sia pemala’ kasalamaran dio oloNa PUANG.

1 SAMUEL 7:3

Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.

1 SAMUEL 7:6

Sirampunmi tu tau iato mai dio Mizpa, anna timba uai, nabolloanni dio oloNa PUANG. Allo iato ma’puasami tu tau iato mai, anna ma’kada inde to dio, nakua: Kasalanmokan lako PUANG. Umpalalomi toean to parengnge’ tu Samuel lako to Israel dio Mizpa.