YOËL 2:1 - Sura' Madatu

¹ Pannonii tu napiri tanduk dao Sion, sia rembangi tu katto’-katto’ dao buntu maindanKu! La ma’parondo tu mintu’ pa’tondokan, belanna saemo tu alloNa PUANG. Belanna mandappi’mo!

YOËL 2:1 ပူးပေါင်းရင်းမြစ်များ

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

PA’PUDIAN 87:1

Misa’ nanian pa’pudianna bati’na Korah. Iatu parandanganna toppo’ dao lu buntu maindan;

KATASSURAN 10:14

Kendekmi tu batik dio lu tondok Mesir, nasitutu’i tu mintu’ lili’na, lendu’ budanna; tu dolona tae’ bangpa batik buda susito, sia undinna tae’ duka la susito.

YESAYA 13:6

Sitangirangkomi, belanna mandappi’mo tu alloNa PUANG; sae butung kasanggangan dio mai To umpoissan angge maritik.

YESAYA 13:9

Inang la sae tu alloNa PUANG sitonda kamaparrangan sia kamagallian anna iatu kasengkean dukku-dukku, tu la umpopempadang lo’bangi tu mintu’ lino, sia la nasabu’i tu mintu’ to umpogau’ kasalan lan te lino.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

YEREMIA 16:10

Iake muparampoi te mintu’ kada lako bangsa iate, sia ma’kada lako kalemu kumua: Ma’apai Napokadai PUANG te kasanggangan kapua iate la urrampoikan sia apara kakadakeangki sia kasalangki tu kipogau’ lako PUANG, Kapenombangki? –

YEREMIA 16:7

Sia tae’ tau sae unti’pek-ti’pek roti tanda maindunna la umpakatana to kamatean, sia la umbenni pangiru’ pa’pakatana, moi anna ambe’na ba’tu indo’na.

YEREMIA 4:5

Patale’i te lan Yehuda, pa’perangianni lan lu Yerusalem sia pokadai kumua: Pannonii tu napiri tanduk lan lu tondok, sia pemandui metamba kumua: La sirampunkomi anta tama kota ditambakuku!

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

YEHEZKIEL 12:23

Iamoto ma’kadako lako tau iato mai: Inde sia tu kadanNa Puangta PUANG Nakua: La Kutappui tu pa’parunde iate sia tae’mo nala umpoparundei tau lan Israel, sangadinna ma’kadako lako tau iato mai kumua: Mandappi’mo tu attunna sia iatu kadipalandaranna mintu’ patiro mendeata!

YEHEZKIEL 21:12

Melallakko sia umbatingko, e ma’rupa tau, belanna iate iannate dipamanassamo la ullaoi taungKu; dipamanassamo la ullaoi mintu’ arungna to Israel; disorongmo tu tau iato mai la nakande pa’dang, la tau iato mai la taungKu. Iamoto, sala’pai tu pupummu.

YEHEZKIEL 30:3

Belanna maruku’mo tu allo, ondongpi maruku’mo tu alloNa PUANG, iamotu misa’ allo saleburan, nalambi’mo tu attunna mintu’ bangsa.

YEHEZKIEL 33:3

anna tiroi to ma’kampa tu pa’dang urrampoi tondok iato, la napannoni tu napiri tanduk la umpaissanni tau, –

YEHEZKIEL 33:6

Apa ianna tiroi to ma’kampa tu pa’dang sae anna tae’ napannoni tu napiri tanduk, naurunganni tae’ nadipaissanni tu to lan tondok, na rampo tu pa’dang sia umpatei misa’ tau dio lu tau iato mai, manassa la dipatei natumang kakelokanna kalena, apa iatu rarana la Kutuntun lako to ma’kampa.

YEHEZKIEL 7:10

Tiromi tu allo! Tiromi rampomo tu kamandasan; tiparandukmo tu lampakmu; mentarukmo tu tekken; menta’bimo tu kamatampoan.

YEHEZKIEL 7:12

Nalambi’mo attunna! Mareke’mo tu allona! Da nasende tu to mangalli sia da namasussa tu to ma’baluk, belanna dukku tu kasengkean na urrampoi mintu’ to buda tu marukka.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

DANIEL 9:20

Marassan bangsiapa’ ma’kada sia massambayang sia unnaku kasalangku sia kasalanna bangsaku to Israel sia umbarrakan pengkamoyaku langngan PUANG, Kapenombangku, diona buntu maindanna Kapenombangku,

HOSEA 5:8

Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

HOSEA 8:1

Padioi pudukmu tu napiri tanduk. Susi misa’ langkan maega tu kasanggangan sae urrampoi banuanNa PUANG! Belanna natengkaimo tau iato mai tu basseKu sia nabali-bali tu Sukaran alukKu.

YOËL 1:15

A’a tu allo iato! Belanna mandappi’mo tu alloNa PUANG; saemo tu allo iato susi kasanggangan lu dio mai To umpoissan angge maritik.

YOËL 2:11

Napakapua PUANG tu gamaranNa, dio tingayona mintu’ surodadunNa, belanna lendu’ ia budanna tu surodadunNa; iatu surodadunNa mawatang umpalalo kadanNa; ondongpi iatu alloNa PUANG kapua sia tarru’ metakuran! Mindara ma’din la umpatananni?

YOËL 2:15

Pannonii tu napiri tanduk dao Sion, pamaindanni tu misa’ allo pa’puasan, pasirampunni tu misa’ kasirampunan kamenomban.

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

YOËL 3:14

Ma’tombon-tombon tu tau diong lombok pangra’tasan ukungan, belanna mandappi’mo tu alloNa PUANG diong lombok pangra’tasan ukungan.

YOËL 3:17

Sia la miissan, kumua Akumo tu PUANG, Kapenombammi tu unnisung dao Sion, buntu maindanKu, sia Yerusalem la dadi misa’ inan maindan sia tae’mo nala unnolai lendu’ to tama sae.

AMOS 3:6

Iake dipannonii tu napiri tanduk lan kota, tae’raka nala tiramban tu pa’tondokan? Ma’dinraka tu kota narampoi kamandasan, ke tae’i na PUANG umpasaei?

AMOS 5:18

Upu’ allona tu to ungkabarii alloNa PUANG. La matumbari tu alloNa PUANG lako kalemi? Iamo kapittukan, tangia kamasiangan!

AMOS 8:2

Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

OBAJA 1:15

Belanna mandappi’mo tu alloNa PUANG la urrampoi mintu’ bangsa; susitu penggaurammu, susi dukamo la dipogau’ lako kalemu, sia iatu penggaurammu la sule langngan ulummu.

ZEFANYA 1:14

Mareke’mo tu allo kapuanNa PUANG, mareke’mo sia madomi’ bangmo rampo mengkareke’. Perangiimi tu alloNa PUANG. Moi anna iatu to lalong metamba duka diona kamaparrisan.

ZEFANYA 1:16

misa’ allo nanii oni napiri tanduk sia arrak kasirarian tu ullaoi mintu’ kota ditambakuku sia ullaoi menara malangka’ dio tetuk kota.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.

ZEFANYA 3:11

Allo iato tae’mo mula masiri’ belanna mintu’ penggaurammu, tu mupobannangmo patodo tinting lako Kaleku, belanna la Kualai lan mai alla’mu tu mintu’ to unnarrak tete dio kamatampoanna, sia tae’mo mula umpakapua kalemu dao buntu maindanKu.

ZAKHARIA 14:1

Manassa la sae misa’ alloNa PUANG, la dinii untaa-taai lan lu benteng tembo’mu tu pangrampa diala dio mai kalemu.

ZAKHARIA 8:3

Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

KADIBILANGAN 10:2

Garagangko kalemu da’dua tarompe’ salaka; panggaraga pa’kombong la mugaragai, anna apa iato la mupake untambai ma’misa tu kasirampunan sia la umpake’de’i dio mai to’ tenda.

KADIBILANGAN 10:3

Iake napannonii tau tu da’dua tarompe’ pissan dipamurru’, la sangsaean tu mintu’ kasirampunan lako kalemu, dio to’ ba’ba Tenda Kasitammuan.

1 KORINTUS 14:8

Belanna iake tang ma’rundunanni tu oni tarompe’ pua, minda ia tu la ma’pasakka’ la parari?

FILIPI 2:12

Iamoto, e kamu mintu’ pa’kaboro’ku, susitu biasanna mengkaola bangkomi, tangia manna ke diona’ ren, sangadinna ondong pole’pa ke pa’dena’, karitutui tu kamakarimmanan kalemi situru’ kamatakuran sia kama’parondoan,

1 TESALONIKA 5:2

Belanna inang miissan melomo, kumua iatu alloNa Puang la susito boko sae ke mabongii.

YAKOBUS 5:8

Ma’tan penaa dukakomi ammi pabatta’ penaammi, belanna mareke’mo tu kasaeanNa Puang.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

KADA OMBO’ LAKO RASULU’ YOHANES 6:17

Belanna allo kapua, iamotu allo kasengkeanNa saemo; mindara la unnattai umpatananni?