YOËL 1:5 - Sura' Madatu

⁵ Pana’dingkomi, e to pa’malangoan ammi tumangi’, sia sumarrokomi, e pangiru’ uai anggoro’ diona uai anggoro’ ba’ru, belanna disintakkimo dio mai pudukmi.

YOËL 1:5 ပူးပေါင်းရင်းမြစ်များ

YEREMIA 4:8

Iamoto la membungku’ karungkomi sia umbating sia unnurruk-urruk, belanna iatu katorrong-torronganna PUANG tae’pa natoyang dio mai kaleki:

YEHEZKIEL 30:2

E ma’rupa tau, ma’nubua’ko sia ma’kadako mukua: Inde sia tu kadanNa Puangta PUANG, Nakua: Umbatingkomi, a’a, tu allo iato!

YOËL 1:11

Bangngo ara’na tu mintu’ to lako padang sia sumarro tu mintu’ to ma’palak anggoro’ diona gandung sia dalle sisikan, belanna iatu bura padang tallanmo.

YOËL 1:13

Ma’tambeke’komi sia unnurrukkomi, e kamu mintu’ to minaa; sumarrokomi e mintu’ to untoe pentoean dio inan pemalaran; maikomi ammi ma’bongi ma’pote dibolong, e kamu to untoe pentoeanna Kapenombangku, belanna iatu kande dipemalaran sia pemala’ pantedok dipatoyang dio mai banuanNa Kapenombammi.

YOËL 3:3

Sia naloterei tu taungKu nataa-taa, sia misa’ pia muane napassaroan baine bualang, sia misa’ pia baine nabalukan belanna uai anggoro’, kumua nama’din mangiru’.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

YAKOBUS 5:1

E kamu to sugi’, tumangi’komi sia unnorronkomi, belanna mintu’na kasanggangan la urrampoikomi.