YEREMIA 5:9 - Sura' Madatu

⁹ Ma’apai angKu tang la umparessai tu apa susito, kadanNa PUANG; ma’apai angKu tang la umpapakkanni tu bangsa susito?

YEREMIA 5:9 ပူးပေါင်းရင်းမြစ်များ

SARAMBU PEADA’ 6:29

La susi dukato tu to umpasurruk kalosi dibuni lako bainena solana; tae’ misa’ tu to ungkaka’i, la dibilang masero dio mai sala.

YESAYA 1:24

Iamoto Nama’kada tu Puang, PUANGna mintu’ ma’dandan maritik, To sumpu kuasanna to Israel Nakua: La umpasauNa’ penaangKu umpapakkanni mintu’ to umbali-baliNa’ sia la Kupabala’i tu mintu’ ualingku.

YESAYA 57:6

Dio lu to’ batu malangngo’ diong lombok nanii tu taa ma’parongko’mu; iamotu ussukaranni dalle’mu, lako batu iato munii untongkai tu pemala’ pantedok sia munii umbaa kande dipemalaran. La Kupomatanaraka tu apa iato?

YEREMIA 23:2

Iamoto, nakua kadanNa PUANG, Kapenombanna to Israel, lako mintu’ to mangkambi’ tu ungkambi’ taungKu, kumua: Mipasisarak-sarak sia miula’ tu dombaKu sia tae’ mikaritutui; tonganna la Kupapakkanni tu mintu’ penggauran kadakemi, kadanNa PUANG.

YEREMIA 32:31

Belanna randuk dio mai allo dibangunna tu kota iate sae lako allo iate napare’dek tu ara’Ku sia kamagi’girangKu Kuurunganni la ussabu’i tu kota iate dio mai oloKu,

YEREMIA 44:22

Naurungan tang Naattamo PUANG untiroi tu iannato belanna kakadakeanna mintu’ penggaurammi sia belanna mintu’ penggauran megalliammi; iamoto na iatu tondokmi daun laurammo sia metakuran sia tampakan ropu, naurungan moi misa’ tau tae’mo umpa’tondokki, susite allo iate.

YEREMIA 5:10

La mikendekki tu tanete anggoro’na, ammi sanggangi, apa da miratoi; alai tu tangkena, belanna tangia apanNa PUANG.

YEREMIA 5:29

Ma’apai angKu tang la umparessai tu apa susito, kadanNa PUANG; ma’apai angKu tang la umpapakkanni tu bangsa susito?

YEREMIA 6:11

Nakabu’na’ kare’dekanNa PUANG sia mengkata’ka’na’ untemme’ ara’ku. Barrakanni lako pia dio lu batatta sia lako kasirampunanna pia muane lolle’! Belanna pada-pada la ditingkan muane sola baine, sia to ubanan sola to matua.

YEREMIA 6:6

Belanna susimo kadanNa PUANGna mintu’ ma’dandan maritik: Lellengi tu garonto’ kayu, pabendanni tu ba’tu pira-pira benteng la dinii urrarii Yerusalem; iamote tu tondok naponnoi kabuttokan sia pa’pakario-rio manna lan.

YEREMIA 9:8

Iatu lilana tau iato mai susito tinaran papatean, tu ma’kada tang tongan; iatu pudukna pada ma’kada marampa’ sola tu mai solana, apa lan penaanna natananan poya.

YEREMIA 9:9

Ma’apai angKu tang la unnukungi tu tau iato mai diona tu apa iate, kadanNa PUANG, ba’tu ma’apai angKu tang la umpabala’i tu bangsa susite?

BATING 3:42

Salamokan sia pabali-balimokan, apa tae’ Mima’pagarri’.

BATING 4:22

Upu’mo tu kakadakeammu, e anak dara Sion, tae’mo anNa la umpali’ko Puang. La napapakkanni Puang tu mintu’ kakadakeammu, e anak dara Edom, sia la Napapayan tu kasalammu.

YEHEZKIEL 7:9

Iatu apa-apa tae’ Kula ungkasayangi sia tae’ Kula ungkatirinnai, sangadinna la Kupapakkanni lako kalemu tu gau’mu, sia la sule lako kalemu tu penggauran megallianmu, ammu tandai, kumua Akumo tu PUANG, tu ma’kasanggang.

HOSEA 2:13

Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

SURA’ KATOMINAAN 18:25

Iatu tondok iato diruttakki sia Kupabala’i tu kakadakeanna, iamoto naluai padang tu mintu’ to umpa’tondokki.

SURA’ KATOMINAAN 26:25

sia la Kuparampoikomi pa’dang, anna pabala’i tu basse mipoka; iammi sirampunmo lan kotami, manassa la Kupasaeangkomi ropu, ammi disorong lako ualimmi.

NAHUM 1:2

Iatu PUANG iamo Kapenomban noka ditimba oloNa sia ma’pabala’i, iatu PUANG iamo To ma’pabala’i sia nakabu’ kare’dekan ara’; iatu PUANG To ma’pabala’i lako to unneaI, sia tontong tu kasengkeanNa lako ualinNa.

PA’TOLE 32:35

Aku puangna tu pa’pabala’ sia pa’papakkan, iake la attunnami tilende’ tu lette’na, belanna iatu allo kasangganganna mandappi’mo, sia madomi’mo mengkareke’ tu apa dipamanassanni.

PA’TOLE 32:43

Unnarrak-arrakkomi e kamu to sangpetayanan diona bangsaNa, belanna Puang umpakkanni rarana tu mintu’ taunNa sia Napabala’i tu penggauranna to umbalii, sia Napadenan kadiseroian kasalan tu tondokNa sia taunNa.