YEHEZKIEL 7:3 - Sura' Madatu

³ Totemo narampoimoko tu katampakanna, belanna la Kuparampoiko kasengkeangKu sia la Kuukungko sitinaya gau’mu sia la Kupapakkanni lako kalemu tu mintu’ penggauran megalliammu.

YEHEZKIEL 7:3 ပူးပေါင်းရင်းမြစ်များ

YEHEZKIEL 18:30

Iamoto angKu la umpaolaikomi salunna pantan sitinaya penggauranmi, e to Israel, kadanNa Puangta PUANG. Mengkatoba’komi sia balikkomi dio mai mintu’ salami, da mipobannangi titodo sae lako tobang rokko kakadakean.

YEHEZKIEL 5:13

Susimoto tu kasengkeangKu la Kutappu’i Kubarrakan sia la Kuparampoi kare’dekan ara’Ku tu tau iato mai, namane sau penaangKu sia ma’papakkanniNa’. Sia la naissan tau iato mai, kumua Akumo, tu PUANG, tu kamanokangKu ditimba oloKu angku ma’kada, ke mangkami Kutappui tu mintu’ kare’dekan ara’Ku Kuparampoan tau iato mai.

YEHEZKIEL 33:20

Apa ma’kadakomi, kumua: Tae’ namalambu’ tu lalanNa Puang: Aku la umpaolaikomi salu, pantan sitinaya penggauranna, e to Israel.

YEHEZKIEL 16:38

La Kuukungko susitu apa naparampo tau lako baine pasandak salu lako rampanan kapa’ sia umpatibollo rara; sia la Kupadadiko misa’ to narampoi to’doan rara napobua’ kare’dekan ara’ sia narampoi kamangimburuan.

YEHEZKIEL 36:19

Kupatisambo’ tu tau iato mai dio lu mintu’ bangsa, naurunganni titale’ dio lu mintu’ tondok; Kuukungmo sitinaya kedona sia penggauranna.

YEHEZKIEL 7:27

Iatu datu la ma’pote dibolong sia iatu arung la umpolullung kamagiangan na mintu’ limanna to buda lan tondok iato la kupi’ napobua’ katirambanan. La Kupapakkanni tu tau iato mai sitinaya gau’na, sia Kupaolai salu sitinaya kedona. Anna tandai tau iato mai, kumua Akumo tu PUANG.

KADADIAN 6:13

Iamoto anNa ma’kada tu Puang Matua lako Nuh kumua: Nalambi’mo tu ma’katampakanna mintu’ tolino situru’ pangra’ta’Ku, belanna ia te lino naponnoimo kamasa’garan. Tonganna la Kusabu’i tu tau iato mai sola te lino!

YESAYA 47:7

Mukua: La ma’parentana’ tontong sae lakona, apa tae’ ammu palanni penaammu te iannate sia tae’ mukapangi kumua la susi ma’katampakanna to.

YEHEZKIEL 7:2

E iko ma’rupa tau, inde sia tu kadanNa Puangta PUANG diona tu tondok Israel, kumua: Saemo tu katampakanna! katampakanna diona tu a’pa’ tetukna tondok iato!

YEHEZKIEL 7:4

Tae’ Kula ungkasayangiko sia tae’ Kula ungkatirinnaiko, sangadinna la Kupapakkanni lako kalemu tu gau’mu sia la sule lako kalemu tu penggauran megalliammu, ammu tandai, kumua Akumo tu PUANG.

YEHEZKIEL 21:25

Na iko, e arung to Israel, to bulituk sia to tang mekaaluk, nalambi’mo tu allomu, iamotu attu kadiukungan ma’katampakanna.

YEHEZKIEL 22:31

Iamoto Kubarrakan kasengkeangKu lako tau iato mai; sia Kupapurai api kare’dekan ara’Ku; iatu gau’na Kupasule langngan botto ulunna, kadanNa Puangta PUANG.

AMOS 8:2

Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

YEREMIA 13:14

Sia Aku la umpasitumbuk simisa’i tu tau iato mai anna sanggang, anna mintu’ ambe’ situmbuk tu mai anakna muane, kadanNa PUANG; tae’ angKu la ungkaturu-turui sia umma’tananni penaa sia ungkamasei, Kutang la ussabu’iri tu tau iato mai.

YEHEZKIEL 5:12

Sangtaa tallummi la mate nabaa ra’ba biang sia la narabunni karorian dio lu tangngami; na sangtaa tallummi la songka nakande pa’dang; na sangtaa tallummi pole’o la Kuambo’ lako mintu’ matanna angin sia la Kunonok tu pa’dang dio boko’na tau iato mai.

YEHEZKIEL 9:10

Iamoto tae’mo Kula ungkasayangi sia tae’mo Kula ungkatirinnai; la Kupasule langngan ulunna tu gau’na.

YEHEZKIEL 11:21

Apa minda-minda ungkabarii tu apa megi’giran sia apa megallian, la Kupasule tu penggauranna langngan ulunna, kadanNa Puangta PUANG.

YEHEZKIEL 16:43

Belanna tae’ mukilalai tu allo kalollerammu, sangadinna mupare’dek tu ara’Ku, iamoto la Kupasule langngan ulummu tu gau’mu, kadanNa Puangta PUANG. Belanna tae’moraka mutompoi pole’i gau’ sala mesirisammu tu mintu’ penggauran megalliammu?

YEHEZKIEL 16:59

Belanna inde sia tu kadanNa Puangta PUANG: La Kupogau’, susitu mangka mupogau’ lako Kaleku, tu mangka untapa’ sumpa, belanna mupoka tu basse.

YEHEZKIEL 24:14

Akumo, PUANG, tu mangka umpokadai tu iannato. La dadi tu apa iato sia la Kupogau’. Tae’ Kula untorroi tu pengkarangan iato sia tae’ Kula ungkatirinnai sia tae’ Kula ungkamasei tu tau iato. La napaolaiko salu tau sitinaya gau’mu sia kedomu, kadanNa Puangta PUANG.

HOSEA 12:3

Den kara-karaNa tu PUANGna Yehuda: iamoto anNa ukungi tu Yakub sitinaya kedona sia la Napapakkanni sitinaya penggauranna.