YEHEZKIEL 5:4 - Sura' Madatu

⁴ Sia la mualapa pira tu beluak iato, ammu pembuanganni tama tangnga api, ammu ballai; na inde to lan mai la nanii mellepa’ tu api lako mintu’ to Israel.

YEHEZKIEL 5:4 ပူးပေါင်းရင်းမြစ်များ

2 DATU 25:25

Apa iatonna bulan ma’pempitu saemi tu Ismael, anakna Netanya, anakna Elisama, misa’ bati’ datu sola surodadunna sangpulo; anna patei tu Gedalya sola mintu’ to Yehuda sola to Kasdim, tu nasolan dio Mizpa.

YEREMIA 4:4

Sunna’i tu kalemi lako PUANG sia tibei tu salepe’ kasirisan penaammi, e kamu to Yehuda sia pa’tondokan Yerusalem, da nama’lana-lana susi api tu kare’dekangKu sia ma’pamampu’, naurunganni tang dibela dipa’dei, belanna penggauran kadakemi.

YEREMIA 48:45

Bendan tu to mallai umpopentilindungan Hesbon, apa tae’ tu kamatotoranna; belanna tassu’mo tu api lan mai Hesbon sia dukku api lan mai banuanna Sihon, iamotu umpurai pili’na Moab nakande sia kararo ulunna to rombo’.

YEREMIA 52:30

Iatonna taun ma’penduangpulo ntallu kadatuanna Nebukadnezar, napali’mi Nebuzaradan, pangulu to ma’kampa tu to Yehuda pituratu’ patangpulo llima. Mintu’i tu tau iato mai patangsa’bu annan ratu’.

YEHEZKIEL 5:3

Sia la muala sidi’ tu beluak iato, ammu pessimporrosanni lan biring bayu lamba’mu.

YEHEZKIEL 5:5

Inde sia tu kadanNa Puangta PUANG: Nakua: Iamote tu Yerusalem. Kupalanmo tangngana mintu’ bangsa sia natikuimo tondokna tau.