YEHEZKIEL 15:4 - Sura' Madatu

⁴ Tiromi, dipakandei api; pu’pu’mo tu tampakna patomali napurai api, sia iatu tangngana mampu’mo, ma’dinparaka digaragai parea?

YEHEZKIEL 15:4 ပူးပေါင်းရင်းမြစ်များ

YOHANES 15:6

Iake denni tau tae’ nareso’ lan Kaleku, dialai lao lako salian susitu tangke anggoro’, anna marangke; anna rampunni tau, anna pembuanganni tama to’ api, namampu’.

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

PA’PUDIAN 80:16

Tu pa’tado’ natanan lima kananMi, iamotu muane, Mipeloboran Kalemi.

IBRANI 12:29

Belanna iatu Kapenombanta api ma’pamampu’.

IBRANI 6:8

Apa iake umpatuoi duri sia a’da’, ditampemi sia sikandappi’mo tampak ropu, katampakanna diballa.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

AMOS 4:11

Kubaliangammokomi susi Puang Matua umbaliangan Sodom na Gomora, ammi susi to lalotin disintak lan mai to’ api. Moi susito, tae’ duka mimengkatoba’ lako Kaleku, kadanNa PUANG.

YEHEZKIEL 19:14

Sunmi tu api lan mai tangkena, tu ungkande takke’-takke’na sia buanna, tae’mo tangke matoto’na dio, tae’mo tekken la sikambi’ kadatuan! Iamote tu misa’ rintin, tu dipobatingmo.

YESAYA 1:31

Attu iato to mawatang la butung dalame, sia iatu penggauranna sangtinti lelatu, pada la mampu’ pengkaranganna, tae’ misa’ tau umpa’dei.

YEHEZKIEL 15:3

Ma’dinraka diala tu kayunna la digaraga parea, ba’tu ma’dinraka la dipotangki’, dinii ussedan apa-apa.

YEHEZKIEL 15:5

Moi iatonna kalebupa, tae’ apa ma’din digaragai, ondong pole’pi, ke mangkami nakande api sia mampu’; ma’dinparaka digaragai misa’ parea?

YEHEZKIEL 15:6

Iamoto, inde sia tu kadanNa Puangta PUANG, kumua: Susi Aku mangka umpakandei api tu kayu garonto’ anggoro’ tu dio lu mintu’ kayu pangala’, la susi dukaNa’ to ussorongi tu to lan Yerusalem.