YAKOBUS 2:4 - Sura' Madatu

⁴ misangaraka tang mangkaopokomi ma’pasisengaran lan penaammi, sia dadi to mangra’ta’ pakayun bimbang?

YAKOBUS 2:4 ပူးပေါင်းရင်းမြစ်များ

YOHANES 7:24

Da na ia manna tu nabasanna mata minii ma’pasala, sangadinna pakalambu’ tonganni, ke mangra’ta’komi.

AYUB 34:19

tu tang umpelindo arung, sia tang umpalosongan to mala’bi’ anna to bitti’, belanna mintu’nato panggaraganNa nasang?

YAKOBUS 4:11

E sangsiulurangku, da misipalele beko sangsiulurammi. Iatu to umpokada boko’ ba’tu umpasala siulu’na, iamo umpalele beko sia umpasala sukaran aluk. Apa iake mupasalai tu Sukaran aluk, tangiako to unturu’ Sukaran aluk, sangadinna to mangra’ta’na.

MALEAKHI 2:9

Iamoto Kupopendadikomi to dilo’bo sia dipopengkadiongan dio tingayona mintu’ to buda, belanna tae’ mituru’i tu mintu’ lalanKu sia mipelindo tu tau, ke mipa’pangadaranni tu Sukaran aluk.

PA’PUDIAN 82:2

Sangapapokomi la ma’paolai salu pakayun bimbang, sia malang lako to tang mekaaluk? Sela

PA’PUDIAN 58:1

Lu lakona pangala sengo. (Unturu’ baenan sengo:) Dandi’ bala’-bala’i. Pa’pudianna Daud; misa’ ianan ballo.

PA’PUDIAN 109:31

Belanna la bendan dio to’ kananna to mase-mase, la ullendokanni dio mai tu to umpasalai.

AYUB 21:27

Manassa kutandai tu pa’timbangammi sia iatu pa’tangngarammi minii ussau’ parrangna’,

LUKAS 18:6

Nakuami Puang: Perangiimi tu kada napokada tu to mangra’ta’ kara-kara bimbang.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.