TOMANGADA’ 9:8 - Sura' Madatu

⁸ La tontong bang masero tu pakeammu sia da nasalai minna’ busarungngu’ tu ulummu.

TOMANGADA’ 9:8 ပူးပေါင်းရင်းမြစ်များ

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

2 SAMUEL 19:24

Sae dukami Mefiboset, anakna datu Saul, untammui datu; tae’ nabasei lentekna sia tae’ nakaridi’ danggo’na sia tae’ nabusukki pakeanna randuk dio mai allo kamallaianna datu sae lako kasulean marampa’na.

ESTER 8:15

Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

PA’PUDIAN 23:5

Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

DANIEL 10:3

Tae’ angku kande len kande mammi’ sia tae’ natamai duku’ sia uai anggoro’ tu sadangku, sia tae’ kuma’minna’ busarungngu’ sae lako malebu tallung minggu.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

MATIUS 6:17

Apa iatu iko, iammu ma’puasa, boka’i tu ulummu sia dau’i tu lindomu,

LUKAS 7:46

Sia tae’ mipalangnganni minna’ tu ulungKu, apa iate baine sae rokko lette’Ku napalakoi duka minna’ pandere’.

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

KADA OMBO’ LAKO RASULU’ YOHANES 19:14

Mintu’ ma’dandan maritik dao suruga umbaananni Puang ussakei darang busa’, ma’tamangkale kasa bussang sia mase’rok.

KADA OMBO’ LAKO RASULU’ YOHANES 19:8

Nadikamasei, dikua anna umpakei kalena sampin kasa dadi’, pandila-dila sia masero; belanna iatu sampin kasa dadi’ iamo dipasangtinti mintu’ penggauran malolona to mai to masallo’.

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;

RUT 3:3

Iamoto mendio’moko, ammu minna’i pandere’ tu kalemu sia ma’pakeammoko, ammu male rokko to’ panglulluran. Apa da naissan lenko Boaz, ke tae’pi napura kumande sia mangiru’.