TOMANGADA’ 9:7 - Sura' Madatu

⁷ Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

TOMANGADA’ 9:7 ပူးပေါင်းရင်းမြစ်များ

KADADIAN 12:19

Ma’apai ammu kua siulu’ku, kuurunganni umpobainei? Indemo tu bainemu; solammi mumale!

1 DATU 8:66

Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

TOMANGADA’ 10:19

Napogau’mo tau tu pa’maruasan, anna poparannui penaanna, sia iatu uai anggoro’ umpamarua’ katuoanna tau, sia iatu doi’ umpadenni tu mintu’nato.

TOMANGADA’ 11:8

Iamoto, iake tuoi tu tau masai, melo, ke parannui tu penaanna diona tu mintu’nato, apa sipatu duka la nakilalai, kumua buda tu allo la nanii kamalillinan: Iatu mintu’na apa la dadi tae’ gai’na.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.

TOMANGADA’ 7:14

La paiman penaammu lan attu kamauparan, apa kilalai dukai lan allo kamasussan, kumua pada Napadadi Puang Matua tu iannato; belanna moi misa’ apa tae’ nalambi’i natandai tau tu apa la dadi undinna.

TOMANGADA’ 8:15

Iamoto kupudii tu kaparannuan, belanna tae’ ia misa’ tu mandu melo lako tolino lan naarrang matanna allo na iatu kumande sia mangiru’ sia sende; anna sikambi’mora tu iannato umposara’ mintu’ sara’na lan allo katuoanna, tu Nakamaseanni Puang Matua lan naarrang matanna allo.

KADIBILANGAN 6:20

Mangkato la nasorong natarima sule to minaa te ianna te dio oloNa PUANG susi pemala’ disorong ditarima sule; iamote tu maserona napotaa to minaa sola tu dada disorong ditarima sule sia pesesena tu dipamarimbangan. Mangkato namane ma’din unniru’ uai anggoro’ tu to nasirinNa Puang Matua.

MARKUS 7:29

Nakuami Yesu lako: Belanna iate kadammu, dadi malemoko; mallaimo tu deata masussuk lan mai anakmu.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

YOHANES 4:50

Nakuami Yesu lako: Laomokomi, tuo ia tu anakmi. Napatonganmi tinde tau tu kada Napokadanni Yesu, namale.

PENGGAURANNA RASULU’ 10:35

sangadinna lan mai mintu’na bangsa minda-minda tu ungkataku’i sia umpogau’ kamaloloan, iamo Naporai.

PA’TOLE 12:12

La parannukomi dio oloNa PUANG, Kapenombammi, la kamu la anakmi muane la anakmi baine la kaunanmi muane la kaunanmi baine, sia to Lewi, tu torro lan babangan kotami, belanna tae’ apa napoapa sia tae’ apa napotaa mana’ dio lu kamu.

PA’TOLE 12:7

Indemoto la minii kumande dio oloNa PUANG Kapenombammi, sia parannu la kamu la iatu mintu’ to lan banuammi diona tu mintu’ apa mitoe tu Nanii PUANG, Kapenombammi umpamasakkekomi.

RUT 3:7

Iatonna mangkamo tu Boas kumande sia mangiru’ sia parannumo tu penaanna, malemi umbambangan kalena dio to’ garonto’ patuku. Napela’-pela’mi tu Rut sae, nabungka’i tu parramba’ diong to’ lentekna, anna mamma’ dio.