TOMANGADA’ 9:5 - Sura' Madatu

⁵ Belanna iatu to tuo naissan kumua la mate, apa iatu tomatemo tae’ apa naissan, sia tae’mo narannuanni tu poleanna, moi iatu kapengkilalanna pa’de dukamo.

TOMANGADA’ 9:5 ပူးပေါင်းရင်းမြစ်များ

2 SAMUEL 14:14

Inang la mate nasangki’ susito uai tibollo rokko padang, tu tae’ nadirampun. Apa tae’ Naalai Puang Matua tu katuoan, sangadinna Natangnga’, kumua anna iatu to ditibe, da natontong mambela dio mai Kalena.

AYUB 14:21

Iake mala’bi’i tu anakna muane, apa tae’ naissanni; ba’tu iake mentobitti’i, moi misa’ apa tae’ natandai diona tau iato.

AYUB 30:23

Ondongpi kuissan, kumua Puang ussolanna’ lako kamatean, lako to’ inan kasirampunanna mintu’ apa kepenaa.

PA’PUDIAN 109:15

Sangapaoi anna tontong dio pentiroNa PUANG tu mintu’nato, anna dipa’dei lan mai lino tu kadikilalaianna tau iato mai.

PA’PUDIAN 6:5

SuleKomi, o PUANG, rampananni tu deatangku, karimmannina’ tete dio kamasokanamMi!

PA’PUDIAN 88:13

Ma’dinraka tu mintu’ penggauran kalle-kalleanMi naissan tau lan lu kamalillinan? Sia iatu kamaloloamMi dio tana dinii tang mangingaran?

TOMANGADA’ 1:11

Pa’demo tu kapengkilalan diona apa dolo, susi dukato tu apa undi tae’mo nala den tu kapengkilalan lako tu to undi.

TOMANGADA’ 2:16

Belanna iatu kadikilalaianna to kinaa sia to baga pada tae’ bangmo, belanna lan allo la sae masaimo dikalupai tu mintu’na to; a’adikka’ umbara nakuato, anna pada mate bangsia tu to kinaa sia to baga!

TOMANGADA’ 7:2

Melo tu tama banua nanii passanda bolong na iatu tama banua nanii pa’maruasan; belanna iatu iannato iamo ma’katampakanna katuoanna mintu’ tolino, sia melo ke napalan penaai to tuo tu iannato.

TOMANGADA’ 8:10

Susi dukato kutiromo tu mai to tang mekaaluk tamamo batu dilobang dipasola nene’ to dolona, na iatu to malolo gau’na diparuku male untampei tu inan maindan sia tae’mo nakilalai sangtondokna. Ia duka tu apa iato tae’ gai’na.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

TOMANGADA’ 9:4

Belanna iatu mintu’ to tama bilanganna totuo den kapa’rannuanna, saba’ losong ia tu misa’ asu tuo na iatu misa’ singa mate.

YESAYA 26:14

Iatu to mate tae’mo anna tuo sule, iatu bombo to mate tae’mo anna malimbangun, iamoto Miukung, Misanggangi sia iatu mintu’ tanda kadikilalaianna tu tau iato mai Mipa’dei.

YESAYA 63:16

Kamumo tu Ambe’ki, belanna tae’mo naissankan Abraham, sia tae’mo natandaikan Israel; Kamumo, o PUANG, tu Ambe’ki, sia Pela’bakki tempon dio mai, susimoto tu sangamMi.

LUKAS 20:32

Undinna tonna mate nasangmo, mate dukami tinde baine.

IBRANI 9:27

Susitu tolino manassamo den pissan nala mate, namangkato namane dipaolai salunna,