TOMANGADA’ 9:2 - Sura' Madatu

² Pada bangsia mintu’na tu napotaanna mintu’ tolino, pada tu dalle’ urrampoi to malambu’ sia to tang mekaaluk, to melo sia to masero, susi duka tu to maruttak, to memala’ sia to tang memala’; susitu apa urrampoi to melo, ten dukamoto tu to kadake gau’na; susitu apa urrampoi to umpalao sumpa, ten dukamoto tu to mataku’ umpalao sumpa.

TOMANGADA’ 9:2 ပူးပေါင်းရင်းမြစ်များ

KADADIAN 24:3

Angku popenggatako ussa’bu’ PUANG Kapenombanna langi’ sola lino, kumua da mualanni anakku la napobaine tu misa’ baine dio mintu’ anak to Kanaan, tu kunii duka torro.

AYUB 9:22

Mintu’na pada bangsia, iamoto kuma’kada, kukua: Pada bangsia to tang sala sia to sala Nasabu’i Puang.

PA’PUDIAN 73:3

Belanna ungkemburuna’ to matampo, tongku tiroi tu upa’na to tang mekaaluk.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

TOMANGADA’ 3:19

Belanna iatu lampakna ma’rupa tau susi bangsia lampakna olo’-olo’, ondongpi misa’ lampakri sola duai: susitu olo’-olo’ mate, susi dukato tu ma’rupa tau mate, sia sangrupari tu napopenaa sola nasang, tae’ tu losongna tolino na olo’-olo’; belanna iatu mintu’nato tae’ gai’na.

TOMANGADA’ 6:6

Moi anna penduan sisangsa’bu taun tu katuoanna, apa tae’ naperasai tu melona – tae’raka namisa’ri inan nanii male sola nasangi?

TOMANGADA’ 7:18

Melo ke mukaritutui tu misa’ sia da murampananni tu misa’na, belanna minda-minda ungkataku’ Puang Matua la tilendok dio mai mintu’nato.

TOMANGADA’ 7:2

Melo tu tama banua nanii passanda bolong na iatu tama banua nanii pa’maruasan; belanna iatu iannato iamo ma’katampakanna katuoanna mintu’ tolino, sia melo ke napalan penaai to tuo tu iannato.

TOMANGADA’ 9:11

Kutiro pole’omi lan naarrang matanna allo, kumua iatu polean disilombai tangia tomalinta’ tongan unnalai, sia iatu kapataloan lan kasirarian tangia to matoto’ tongan unnalai, sia iatu kande tangia tokinaa unnalai, sia iatu kasugiran tangia tomanarang unnalai, sia iatu pa’kamase tangia tounnampui tangnga’ kinaa unnalai, belanna attu sia upa’ urrampoi sola nasangi.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

YEREMIA 43:6

iamotu mai muane sia baine sia pia sia anakna baine datu sia mintu’ tau tu napatorro Nebuzaradan, pangulu to ma’kampa, lako Gedalya, anakna Ahikam, anakna Safan, la nakampai, sia ia dukapa tu nabi Yeremia sola Barukh, anakna Neria.

MALEAKHI 3:15

Na totemo tapokada kumua maupa’ tu to matampo; tangia kumua manaman manna, moi naumpogau’ kakelokan, ondongpi natoba duka tu Puang Matua, anna tilendok siapa.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

1 SAMUEL 14:26

Iatonna rampomo tu to buda tama pangala’, denmi inde to tu tani’ enoan sebo, apa moi misa’ tau tae’ umparampo limanna lako pudukna, belanna ungkataku’ laoan kada.