TOMANGADA’ 9:12 - Sura' Madatu

¹² Belanna iatu tolino tae’ duka natandai tu dalle’na, susito bale tiramban diala lan dalla’ sia susito manuk-manuk ditingkan lan porro’. Susi dukamoto tu mintu’ ma’rupa tau dipoya, lan attu kamandasan, ke ta’pa narampoi te iannate.

TOMANGADA’ 9:12 ပူးပေါင်းရင်းမြစ်များ

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

SARAMBU PEADA’ 24:22

Belanna tang dikapang-kapang anna bu’tu tu kasangganganna, sia mindara unnissanni ba’tumba natappu’ tu taunna narampoi kamandasan.

SARAMBU PEADA’ 29:6

Iatu kapatodo-tintinganna to kadake iamo umpoyai, apa iatu to malambu’ la mela’tek sia la sende.

SARAMBU PEADA’ 6:15

Iamoto iatu kasangganganna urrampoi tang dikapang-kapang, ta’pa la diru’puk, naurungan tae’mo nakullei dipamondo.

TOMANGADA’ 3:19

Belanna iatu lampakna ma’rupa tau susi bangsia lampakna olo’-olo’, ondongpi misa’ lampakri sola duai: susitu olo’-olo’ mate, susi dukato tu ma’rupa tau mate, sia sangrupari tu napopenaa sola nasang, tae’ tu losongna tolino na olo’-olo’; belanna iatu mintu’nato tae’ gai’na.

TOMANGADA’ 8:11

Belanna tae’ namadomi’ dipaolai ukungan tu penggauran kadake, iamoto na iatu penaanna mintu’na ma’rupa tau morai bang la umpogau’ kadake.

TOMANGADA’ 8:8

Moi misa’ tau tae’ duka ungkuasai angin la umpatadangi; sia moi misa’ tau tae’ duka ungkuasai lampakna sia tae’ duka kadirampanan lan kasirarian; susi dukato iatu katangmekaalukan tae’ nala urrampananni tu to umpogau’i.

TOMANGADA’ 9:13

Ia dukamote kutiro tu misa’ apa lan naarrang matanna allo iato tu kakinaan, tu umpatiakka’ tongan penaangku.

YESAYA 24:18

Belanna la dadi, kumua minda-minda tu umpallaian kalena dio mai ongngo’ mepatiramban, la tobang rokko patuang, na minda-minda tu umbelai kendek diong mai patuang, la nadoloan poya; ondongpi mintu’ kalimbuang dao masuanggana la dibungka’ nasang, sia la tigega’ tu parandangan lino.

YESAYA 30:13

iamoto, iatu kasalan iate la dadi kasanggangan lako kalemi susitu ba’tu pira-pira batu la tuan dao mai rinding tembo’ malangka’, tu re’ba, tu tang dikapang anna ta’pa tuan.

YEHEZKIEL 32:3

Inde sia tu kadanNa Puangta PUANG, Nakua: Kuballarangko dalla’Ku tete dio kasita’panna buda bangsa, anna angka’ko tau iato mai lan dalla’Ku!

HOSEA 7:12

Ianna male lako, la Kusalokko’i dalla’Ku tu tau iato mai. La Kutobangan tu tau iato mai susi manuk-manuk dao mai langi’. Ianna marekomo tu tuntunanna, Kutingkanmi.

HOSEA 9:8

Iatu to ma’kampana Efraim dio oloNa Kapenombangku, iamo nabi – misa’ poyana to ma’poya dio mintu’ lalanna, sia kamabirisan lan banuanNa Kapenombanna.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

LUKAS 12:39

Apa miissan sia te iannate, kumua iake susinna naissanni ampu banua, kumua te’te’ iato nala sae tu to boko, manassa nakampai sia tae’ napopa’elo’nai tu banuanna nalu’bakki.

2 KORINTUS 6:2

Belanna susite tu kadanNa: Iake attu dipopaiman Kuperangiimoko, na iake allo kamakarimmanan Kutunduimoko. Tonganna iamote totemo tu attu Napopaiman Puang Matua, tonganna iamote totemo tu allo kamakarimmanan.

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

2 TIMOTIUS 2:26

anna mengkilala sia tilendok sule dio mai poyana deata bulituk, tu ungkurungi, la umpogau’ pa’poraianna.

1 PETRUS 2:12

iatu gau’mi la melo dio lu to kapere’, dikua anna iatu napobannang umpalele bekokomi tau butung to umpogau’ kadake, tu belanna natiro tu penggauran melomi, anna pakala’bi’i tu Puang Matua ke alloNami Puang sae umpakilalai.

2 PETRUS 2:12

Apa mintu’ tau iate, susi olo’-olo’ tae’ tangnga’na, dipadadi turu’ lalan biasanna la napotingkanan sia dipatei, untelle apa nakabagai; tae’ anna salai tang la sanggang natumang penggauran pasangganganna,